ବାରଶ ଷୋହଳ ଦିନରେ ଭାଷା ଆନ୍ଦୋଳନ : ସ୍ଵାକ୍ଷର ଢେଙ୍କାନାଳର

ନିଉଜ ସିଣ୍ଡିକେଟ
୧୩.୮.୨୦୧୯
ଇଂରେଜୀ କବଳରୁ ମୁକ୍ତି ପାଇଁ ଯେଉଁ ଢେଙ୍କନାଳ ଜିଲ୍ଲା ଦେଇଥିଲା ଭାରତକୁ କନିଷ୍ଠତମ ସହିଦ ବାଜି ରାଉତ, ଯେଉଁ ଢେଙ୍କନାଳ ଜିଲ୍ଲାର ବୀର ବୈଷ୍ଣବ ପଟ୍ଟନାୟକ ପ୍ରଜାମଣ୍ଡଳ ପ୍ରତିଷ୍ଠା କରି ରାଜୋଡ଼ା ବିଲୋପନର ପଥ ପରିଷ୍କାର କରିଥିଲେ କେବଳ ନୁହେଁ, ପାର୍ଲ୍ୟାମେଣ୍ଟରେ ଯୁଗାନ୍ତକାରୀ ଭାଷଣ ଦେଇ ରାଜାରାଜୁଡ଼ାଙ୍କ ହାତପାଣ୍ଠି ଓ ସ୍ବତନ୍ତ୍ର ଅଧିକାର ଲୋପ ପାଇଁ ପରିବେଶ ସୃଷ୍ଟି କରିଥିଲେ, ସେହି ବୀରପ୍ରସବିନୀ ଢେଙ୍କାନାଳର ତିନିଜଣ ବୀର ସନ୍ତାନ ଆଜି ଇଂରେଜୀ ଭାଷା କବଳରୁ ଆମର ମୁକ୍ତି ପାଇଁ କଳାପତାକା ଅଭିଯାନକୁ ଆଗେଇନେଇଛନ୍ତି ରାଜଧାନୀ ବକ୍ଷରେ ।

ଭାଇ ସୁଭାଷ ଚନ୍ଦ୍ର ପ୍ରଧାନ ଓ ଭାଇ କମଳ ଲୋଚନ ନାୟକଙ୍କ ହାତକୁ ଓଡ଼ିଆ ଭାଷାଜନନୀର ଏହି ବିଜୟଧ୍ବଜା ବଢେଇ ଦେଇଥିଲେ ବୈଜ୍ଞାନିକ ଡଃ ଅଶୋକ ମିଶ୍ର ।

ଆଜି ଥିଲା ଆମ ଜାତିର ଏହି ସର୍ବଶ୍ରେଷ୍ଠ ଆନ୍ଦୋଳନର ୧୨୧୬ତମ ଦିବସ ।

ଜନ୍ମନି ଜନ୍ମନି ତ୍ବମସି ଜନନୀ ଓଡ଼ିଆ ଜନନୀ, ଓଡ଼ିଆ ଜନନୀ ।।ଭାଷା ଜନନୀଙ୍କ ବିଜୟଯାତ୍ରା ଆଜି ଟପିଲା ୧୨୧୬ ଦିନ । ୧୩।୮।୨୦୧୯

Posted by Subhas Chandra Pattanayak on Tuesday, August 13, 2019

ଓଡ଼ିଆ ଜାତି ତାର ଅସ୍ମିତାପାଇଁ ସଂଗ୍ରାମରେ ଆଜିଯାଏଁ କେବେ ହାରି ନାହିଁ , ହାରିବ ବି ନାହିଁ ।
ଜୟ ମା ଓଡ଼ିଶା ।

Author: admin

ଓଡ଼ିଶା ପ୍ରଦେଶ ସୃଷ୍ଟିର ଏକମାତ୍ର ଉଦ୍ଦେଶ୍ୟ ଥିଲା ଓଡ଼ିଆ ଭାଷାରେ ଏହାର ପରିଚାଳନା । ଏଥିପାଇଁ ୧୯୫୪ ରେ ଓଡ଼ିଶାର ପ୍ରଥମ ନିର୍ବାଚିତ ବିଧାନସଭା ପ୍ରଣୟନ ଓ ପ୍ରବର୍ତ୍ତନ କରିଥିଲା ଓଡ଼ିଶା ଦାପ୍ତରିକ ଭାଷା ଆଇନ (Odisha Official Language Act) । ଏହି ଆଇନ କାର୍ଯ୍ୟକାରୀ ହୋଇପାରୁନଥିବାରୁ ୨୦୧୫ ରେ ଗଠିତ ମନ୍ତ୍ରୀସ୍ତରୀୟ କମିଟିରେ ସଦସ୍ୟ ଥିବା ସୁଭାଷ ଚନ୍ଦ୍ର ପଟ୍ଟନାୟକ ଆଇନ ସଂଶୋଧନ ମାଧ୍ୟମରେ ଏହି ଆଇନର ସଶକ୍ତିକରଣ ପାଇଁ ନିଜର ପ୍ରସ୍ତାବ ସହ ଏକ ଚିଠାବିଧାନ ପ୍ରଦାନ କରିଥିଲେ । ତାହାକୁ ସମ୍ପୂର୍ଣତଃ କାର୍ଯ୍ୟକାରୀ କରାଯାଇଥିଲେ ଓଡ଼ିଆରେ ଓଡ଼ିଶା ଚାଲିଥାନ୍ତା ଓ ଓଡ଼ିଆ ଜାତି ତା'ର ଭାଷା ଅଧିକାର ପାଇଥାନ୍ତା । ତାହା କରାଗଲା ନାହିଁ । ଓଲଟି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ବିଧାନସଭାକୁ ବିଭ୍ରାନ୍ତ କରି ପ୍ରମାଦପୂର୍ଣ ସଂଶୋଧନ ଦ୍ଵାରା ଆଇନଟିକୁ ଅକର୍ମଣ୍ୟ କରିଦେଇଛନ୍ତି । ଏହାର ପ୍ରତିକାର ପାଇଁ ପ୍ରତିଷ୍ଠା ହୋଇଛି ଭାଷା ଆନ୍ଦୋଳନ, ଓଡ଼ିଶା । ଏହି ୱେବସାଇଟ ସେହି ଆନ୍ଦୋଳନର ନଭମଞ୍ଚ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.