ସୁଭାଷ ଚନ୍ଦ୍ର ପଟ୍ଟନାୟକ
ଟିଟିଲାଗଡ଼ ଘଣ୍ଟବାହେଲିର ଗୋଟିଏ ଆଦିବାସୀ ପରିବାରର ଜମି ଇଂରାଜୀ ଭାଷାରେ ଥିବା ଆଇନ ବଳରେ ସେଠିକା ତହସିଲଦାର ଜଣେ ଅଣଆଦିବାସୀଙ୍କ ମାଲିକାନାକୁ ବଦଳେଇଦେଇଛନ୍ତି ଓ ନିଜ ଜମିକୁ ରକ୍ଷା କରିବା ପାଇଁ ସମ୍ପୃକ୍ତ ଆଦିବାସୀ ପରିବାର ଏବେ ଆଇନ ଅଦାଲତକୁ ଦୌଡ଼ିବା ଭିନ୍ନ ଗତ୍ୟନ୍ତର ନାହିଁ ।
ଆଇନର ଶାସନ ଓଡ଼ିଆରେ ଚାଲୁ – ଏଥିପାଇଁ ଆମରଣ ଅନଶନ କରି ନିଜ ଜୀବନ ବିସର୍ଜନ କରିବାକୁ ବସିଥିବା ପ୍ରସିଦ୍ଧ କବି, ଅଧିବକ୍ତା ଓ ମାନବଧୀକାର ପ୍ରହରୀ ବରେଣ୍ୟ ଗଜାନନ ମିଶ୍ର ଏଥିରେ ଘୋର ଉଦ୍ବେଗ ପ୍ରକାଶ କରିଛନ୍ତି ।
ୟୁ ଟ୍ୟୁବ୍ ମଞ୍ଚରେ ପ୍ରସାରିତ ଏକ ସାକ୍ଷାତ୍କାରରେ କ୍ଷତିଗ୍ରସ୍ତ ଆଦିବାସୀ ପରିବାର ସହ କନ୍ଧରେ କାନ୍ଧ ମିଳାଇ ଠିଆ ହୋଇଥିବା ଶ୍ରୀ ମିଶ୍ରଙ୍କ ଉତ୍କଣ୍ଠା ସାରା ଓଡ଼ିଶାର ସବୁ ମାନବାଧିକାରପ୍ରେମୀ ମଣିଷର ଉତ୍କଣ୍ଠା ଭାବେ ବିବେଚ୍ୟ ।
ସରକାର ଏହା ପ୍ରତି ଧ୍ୟାନ ଦିଅନ୍ତୁ ଓ ନିରୀହ ଅଧିବାସୀ ପରିବାରଟି ପାଇଁ ତାଙ୍କ ରାଜସ୍ୱ କର୍ମଚାରୀ ଯେପରି ସନ୍ତ୍ରାସ ନହୁଅନ୍ତି ତାହା ନିଶ୍ଚିତ କରନ୍ତୁ ।
Author: admin
ଓଡ଼ିଶା ପ୍ରଦେଶ ସୃଷ୍ଟିର ଏକମାତ୍ର ଉଦ୍ଦେଶ୍ୟ ଥିଲା ଓଡ଼ିଆ ଭାଷାରେ ଏହାର ପରିଚାଳନା । ଏଥିପାଇଁ ୧୯୫୪ ରେ ଓଡ଼ିଶାର ପ୍ରଥମ ନିର୍ବାଚିତ ବିଧାନସଭା ପ୍ରଣୟନ ଓ ପ୍ରବର୍ତ୍ତନ କରିଥିଲା ଓଡ଼ିଶା ଦାପ୍ତରିକ ଭାଷା ଆଇନ (Odisha Official Language Act) । ଏହି ଆଇନ କାର୍ଯ୍ୟକାରୀ ହୋଇପାରୁନଥିବାରୁ ୨୦୧୫ ରେ ଗଠିତ ମନ୍ତ୍ରୀସ୍ତରୀୟ କମିଟିରେ ସଦସ୍ୟ ଥିବା ସୁଭାଷ ଚନ୍ଦ୍ର ପଟ୍ଟନାୟକ ଆଇନ ସଂଶୋଧନ ମାଧ୍ୟମରେ ଏହି ଆଇନର ସଶକ୍ତିକରଣ ପାଇଁ ନିଜର ପ୍ରସ୍ତାବ ସହ ଏକ ଚିଠାବିଧାନ ପ୍ରଦାନ କରିଥିଲେ । ତାହାକୁ ସମ୍ପୂର୍ଣତଃ କାର୍ଯ୍ୟକାରୀ କରାଯାଇଥିଲେ ଓଡ଼ିଆରେ ଓଡ଼ିଶା ଚାଲିଥାନ୍ତା ଓ ଓଡ଼ିଆ ଜାତି ତା'ର ଭାଷା ଅଧିକାର ପାଇଥାନ୍ତା । ତାହା କରାଗଲା ନାହିଁ । ଓଲଟି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ବିଧାନସଭାକୁ ବିଭ୍ରାନ୍ତ କରି ପ୍ରମାଦପୂର୍ଣ ସଂଶୋଧନ ଦ୍ଵାରା ଆଇନଟିକୁ ଅକର୍ମଣ୍ୟ କରିଦେଇଛନ୍ତି । ଏହାର ପ୍ରତିକାର ପାଇଁ ପ୍ରତିଷ୍ଠା ହୋଇଛି ଭାଷା ଆନ୍ଦୋଳନ, ଓଡ଼ିଶା । ଏହି ୱେବସାଇଟ ସେହି ଆନ୍ଦୋଳନର ନଭମଞ୍ଚ ।
View all posts by admin
