ସୁଭାଷ ଚନ୍ଦ୍ର ପଟ୍ଟନାୟକ

ଯେଉଁମାନେ ଆମ ଭାଷାଜନନୀଙ୍କ ଏହି ଚରମ ଦୁର୍ଦ୍ଦିନରେ ନିଜ ଜାତିର ଅସ୍ମିତା ପାଇଁ କଳାପତାକା ତୋଳି ସଗର୍ବେ ଚାଲିପାରୁଛନ୍ତି ରାଜଧାନୀର ରାଜରାସ୍ତାରେ, ସେହିମାନେ ହିଁ ବାଧ୍ୟ କରିଛନ୍ତି ଅହଂକାରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଥା ନତ କରି, ଆମ ଭାଷାରେ ଆମକୁ ସେବା ପ୍ରଦାନ କରିବା ପାଇଁ ଏଯାଏଁ ଅସହଯୋଗ କରିଆସିଥିବା କର୍ମଚାରୀଙ୍କୁ ଦଣ୍ଡବିଧାନ ପାଇଁ ନିୟମାବଳୀର ସଂଶୋଧନ କରିବାକୁ । ଏହି ସାଫଲ୍ଯ ସତ୍ତ୍ବେ ଆନ୍ଦୋଳନ ଚାଲିରହିବ , କାରଣ ଆମ ଜାତୀୟ ସ୍ବାର୍ଥର ସମ୍ପୂର୍ଣ୍ଣ ପରିପନ୍ଥୀ ଧାରା ୪-କ ଆମ ଭାଷା ଆଇନରୁ ଏଯାଏଁ ଉଚ୍ଛେଦ ହୋଇ ନାହିଁ ।

ଦୁଇ ଜଣ ବିଶ୍ବାସଘାତକ ସରକାରଙ୍କ ଦଲାଲ୍ ସାଜି ଭାଷା ଆନ୍ଦୋଳନକୁ ଛୁରୀ ମାରି ଏହା ପ୍ରତ୍ୟାହୃତ ହୋଇସାରିଛି ବୋଲି ମିଥ୍ଯା ପ୍ରଚାର କଲାପରେ ଆମେ ସିଦ୍ଧାନ୍ତ କଲୁ, ସେହି ଦୁଇ ଜଣଙ୍କ ପାପକୁ ପଦାଘାତ କରି ଏଣିକି ଦୁଇ ଜଣ ଶ୍ରେଷ୍ଠ ଓଡ଼ିଆ ହିଁ ପ୍ରତ୍ୟହ କଳାପତାକା ତୋଳି ଭାଷା ମାଆର ବିଜୟ ଅଭିଯାନ ଚଳାଇବେ ।

ଆଜିର ଦୁଇ ଶ୍ରେଷ୍ଠ ଓଡ଼ିଆ ହେଲେ: ସୁଭାଷ ଚନ୍ଦ୍ର ପ୍ରଧାନ ଓ ଆଶିଷ କୁମାର ବେହେରା ।
୨।୩।୨୦୧୯

Comments

No comments yet.

Leave a Reply

Basic HTML is allowed. Your email address will not be published.

Subscribe to this comment feed via RSS

This site uses Akismet to reduce spam. Learn how your comment data is processed.