Posts tagged Language Movement

ସୁଭାଷ ଚନ୍ଦ୍ର ପଟ୍ଟନାୟକ 

ଏଠାରେ ସ୍ଥାନିତ ଚିତ୍ରଗୁଡ଼ିକୁ ମନ ଦେଇ ଦେଖନ୍ତୁ ∣ ଏଗୁଡ଼ିକ ଭାଷା ଆନ୍ଦୋଳନର କଳାପତାକା ଅଭିଯାତ୍ରୀମାନଙ୍କୁ ପୋଲିସ ଦ୍ଵାରା ଅଯଥା ଅଟକ ଯାଇଥିବାର ଦୃଶ୍ୟ ସମ୍ବଳିତ ଫଟୋ ଯାହାକୁ ଆନ୍ଦୋଳନର ଆବାହକ ପବିତ୍ର ମହାରଥା ସାମାଜିକ ଗଣମାଧ୍ୟମ – ଫେସବୁକ – ରେ ଆପଣମାନଙ୍କ ଉଦ୍ଦେଶ୍ୟରେ ରଖିଛନ୍ତି ∣

ଆପଣମାନେ ଜାଣନ୍ତି ଭାଷା ଆଇନ ଉଲ୍ଲଙ୍ଘନକାରୀକୁ ଦଣ୍ଡବିଧାନ ପାଇଁ ଏବଂ ତାର ସମସ୍ତ ପଦ୍ଧତ୍ତି ଆଇନରେ ଲିପିବଦ୍ଧ କରିବା ପାଇଁ ଭାଷା ଆନ୍ଦୋଳନ ଯେଉଁ ଦାବି ଚଳାଇଛି ତାହା ଠିକ ବୋଲି ଭାବି ରାଜ୍ୟ ମନ୍ତ୍ରୀମଣ୍ଡଳ ଶାସକ ଦଳର ୨ ବର୍ଷ ପରିପାଳନ କାଳରେ ପ୍ରସ୍ତାବ ଗ୍ରହଣ କରିଛି ∣ କିନ୍ତୁ ମୁଖ୍ୟମନ୍ତ୍ରୀଙ୍କ ଅମଲାମାନେ ତାକୁ ଭଣ୍ଡୁର କରିବା ପାଇଁ ଷଡ଼ଯନ୍ତ୍ରରେ ଲିପ୍ତ ∣

ମନ୍ତ୍ରୀମଣ୍ଡଳ ନିଷ୍ପତ୍ତିର ଯେଉଁ ପ୍ରେସ ଵିଜ୍ଞପ୍ତି ପ୍ରଚାରିତ ହୋଇଛି ତହିଁରୁ ଜଣାଯାଏ , ଏହି ମନ୍ତ୍ରୀମଣ୍ଡଳୀୟ ନିଷ୍ପତ୍ତିରେ ଆମ ମାତୃଭାଷାକୁ ଭାଷା ମାଫିଆଙ୍କ ଚାରଣ ଭୂମି କରିବା ସକାଶେ ବେସରକାରୀ ସଂସ୍ଥା ସହ ସହଭାଗିତା ଓ ଭାଷା ଆନ୍ଦୋଳନର ‘ ଭାଷା ଅଦାଲତ’ ବଦଳରେ ‘ଭାଷା କମିଶନ’ ପରି ବିଷାକ୍ତ ଉପାଦାନ ଖଞ୍ଜା ହୋଇଛି ତଥା ଦଣ୍ଡବିଧାନର ନିର୍ଦ୍ଦିଷ୍ଟ ସ୍ବରୂପ ଓ ପରିମାଣ ଉପରେ ମନ୍ତ୍ରିମଣ୍ଡଳର ମତ ସ୍ପଷ୍ଟ ହୋଇନଥିବା ହେତୁ ଅମଲାତନ୍ତ୍ରର ମର୍ଜି ପାଖରେ ମୁଖ୍ୟମନ୍ତ୍ରୀ ଓ ତାଙ୍କ ସହକର୍ମୀମାନେ ଓଡ଼ିଆ ଜାତିକୁ ପୁନର୍ବାର ବନ୍ଧା ପକାଇଛନ୍ତି ∣

ଏହି ପ୍ରବଞ୍ଚନାକୁ ଭାଷା ଆନ୍ଦୋଳନ ଗ୍ରହଣ ନ କରି ତାର ଅଭିଯାନ ଚଳାଇ ରଖିଛି ∣

ସୁତରାଂ ଓଡ଼ିଆ ଜାତି ପାଇଁ ପବିତ୍ର ବାବୁ ଉପସ୍ଥାପନା କରୁଥିବା ଫଟୋ-ସମ୍ବାଦ ଅତି ଗୁରୁତ୍ବପୂର୍ଣ ∣

ଏହି ମେଡିଆରେ ରହୁଥିବା ଉପସ୍ଥାପନାକୁ ଜନଗଣ ପରସ୍ପର ଭିତରେ ପ୍ରସାରିତ (Share) କରିବାପାଇଁ ବ୍ୟବସ୍ଥା ଥାଏ ଓ ସେଥିପାଇଁ ଏହା ଗଣମାଧ୍ୟମ ଭାବେ ବିବେଚିତ ∣ ମାତ୍ର ପବିତ୍ରଙ୍କୁ ଉପସ୍ଥାପନାରେ ଗତ କିଛି ଦିନ ଧରି ଏହି ପ୍ରସାରଣ ବ୍ୟବସ୍ଥାକୁ ଉଠେଇ ଦିଆଯାଇଛି ∣

ଆମର ଆଶଙ୍କା , ଏହି ହୀନ କାମ ଭାଷା ମାଫିଆମାନେ ଓ / ବା ଓଡିଶା ସରକାରଙ୍କ ଓଡ଼ିଆ ଭାଷା
ଵିରୋଧୀ ଅମଲାମାନେ ଓ / ବା ସେମାନଙ୍କ ଚାପରେ ଫେସବୁକ #Facebook ସଂସ୍ଥା କରିଥାଇପାରନ୍ତି ∣ 

ଏହି ଷଡଯନ୍ତ୍ର ବିରୁଦ୍ଧରେ ଓଡ଼ିଆ ଜାତି ଅଧିକ ସଂଗଠିତ ହେବାକୁ ହେବ 

ପବିତ୍ର ବାବୁଙ୍କ timelineରେ ସମ୍ପ୍ରସାରିତ ହୋଇପାରୁନଥିବା ଗତକାଲିର ଫଟୋ-ସମ୍ବାଦଗୁଡିକ  ନିମ୍ନରେ ଦିଆଗଲା :

ଯାହା ଜଣାପଡୁଛି , ସରକାର ଭାଷା ଆନ୍ଦୋଳନ ଦାବିର ଗାରିମା ଓ ଗୁରୁତ୍ବ ଉପଲବ୍ଧି କରିଛନ୍ତି ∣ ଆଜି ପୁରୀରେ ଅନୁଷ୍ଠିତ  ମନ୍ତ୍ରିମଣ୍ଡଳର ସ୍ବତନ୍ତ୍ର ବୈଠକରେ ଗୃହୀତ ପ୍ରସ୍ତାବର ପ୍ରେସନୋଟ ନିମ୍ନରେ ଦିଆଗଲା ∣ 

ଏଇ ଡିସେମ୍ବର ତେଇଶିରେ ଭାଷା ଆନ୍ଦୋଳନର କଳାପତାକା ଅଭିଯାନ ବ୍ୟାସ ନଗରରେ ଟପିଲା 250 ଦିନ ∣  ବିଶିଷ୍ଟ ସମାଜସେବୀ ଶ୍ରୀ ରାଜେନ୍ଦ୍ର ବିଶ୍ଵାଳ ଯାହାଙ୍କ ନେତୃତ୍ବରେ ଏ ଅଭିଯାନ ସେଠାରେ ଚାଲିଛି, ଏହି ବିଶେଷ ଦିବସ ଉପଲକ୍ଷେ ଆୟୋଜିତ ସକ୍ରିୟସାଥୀ ସମାରୋହରେ ସଭାପତିତ୍ଵ କରିଥିଲେ 

ବ୍ୟାସନଗର ଶାଖାର ନାରାୟଣ ଚନ୍ଦ୍ର ନାୟକ, ଚନ୍ଦ୍ରମଣି ପାତ୍ର, ଚିନ୍ତାମଣି ପାଢ଼ୀ, ଭୁବନାନନ୍ଦ ମହାନ୍ତି, ବ୍ରଜକିଶୋର ସିଂହ, ଉପେନ୍ଦ୍ର ନାଥ, ପ୍ରଫୁଲ୍ଲ ସାହାଣୀ, ଚନ୍ଦ୍ରଶେଖର ପଣ୍ଡା, ମହେଶ୍ବର ନାୟକ, ଚନ୍ଦ୍ରମଣି ସାମଲ, ବିଶ୍ବଜିତ ମହାନ୍ତି, ଗଜାନନ ମିଶ୍ର, ସଂଯୁକ୍ତା ମହାପାତ୍ର ପ୍ରମୁଖ ନିଜ ନିଜ ଭାଷଣରେ ଭାଷା ଆନ୍ଦୋଳନର ଦାବି ହିଁ କାହିଁକି ଜନହୃଦୟର ଦାବି ତାହା ବର୍ଣନା କରିଥିଲେ ଓ ଯେଉଁଯାଏଁ ଏହି ଦାବି ମାନି ଓଡ଼ିଆ ଭାଷାରେ ଦାପ୍ତରିକ କାମ ନ କରିବା ବ୍ୟକ୍ତିକୁ ଦଣ୍ଡ ବିଧାନ ପାଇଁ ଓଡିଶା ସରକାରୀ ଭାଷା ଆଇନରେ ଦଣ୍ଡବିଧାନ ବ୍ୟବସ୍ଥା ଖଞ୍ଜା ନହୋଇଛି ସେ ପର୍ଯ୍ୟନ୍ତ କଳାପତାକା ଅଭିଯାନ ଚାଲିବ ବୋଲି ଘୋଷଣା କରିଥିଲେ ∣ 

ଭାଷାତପସ୍ବୀ ଗଜାନନ ମିଶ୍ର, ଭାଷା ଆନ୍ଦୋଳନ,ଓଡ଼ିଶାର ଆବାହକ ପବିତ୍ର ମହାରଥା ଆନ୍ଦୋଳନର ବୈଶିଷ୍ଟ୍ୟ ସମ୍ପର୍କରେ ଆଲୋକପାତ କଲା ପରେ ଦୀକ୍ଷାନ୍ତ ଭାଷଣ ଦେଇଥିଲେ ଅଧ୍ୟକ୍ଷ ସୁଭାଷ ଚନ୍ଦ୍ର ପଟ୍ଟନାୟକ 

ସକ୍ରିୟସାଥୀ ସମାରୋହ ପରେ ପଟୁଆର ଯାଇ ଉତ୍କଳମଣି ଗୋପବନ୍ଧୁଙ୍କ ପ୍ରତିମୂର୍ତ୍ତି ସମ୍ମୁଖରେ ଆନ୍ଦୋଳନକୁ ଅଧିକ ସମ୍ପ୍ରସାରିତ କରିବାକୁ ଶପଥ ନବୀକୃତ ହୋଇଥିଲା 

ବ୍ୟାସଭୂମି ମହିମା ସେବା ଚ୍ୟାରିଟେବଲ ଟ୍ରଷ୍ଟ ପକ୍ଷରୁ ନିମନ୍ତ୍ରିତ ହୋଇ ଭାଷା ଆନ୍ଦୋଳନର କେନ୍ଦୀୟ ନେତୃତ୍ବ ବ୍ୟାସ ନଗର ସ୍ଥିତ ସୁବିଖ୍ୟାତ ବ୍ୟାସ ସରୋବର ପରିଦର୍ଶନରେ ଯାଇ ତହିଁର ପରିବେଶ ପ୍ରତି ସରକାରୀ ଉଦାସୀନତା କାରଣରୁ ସେହି ପୁରାଣପ୍ରସିଦ୍ଧ ଜଳଖଣ୍ଡ କିପରି ଅସ୍ତିତ୍ବ ହରାଇବାକୁ ବସିଲାଣି ତାହା ଦେଖି ଘୋର ଉଦ୍ବେଗ ପ୍ରକାଶ କରିଥିଲେ ∣ 

 

 

ଛଶହ ସତର ଦିନରେ ଭାଷା ଆନ୍ଦୋଳନ

 

 

ଆଜିର କଳାପତାକା ଅଭିଯାତ୍ରୀ : ଉମା ଚରଣ ମହାନ୍ତି, ଚକ୍ରଧର ମହାନ୍ତ, ଶିବରାମ ମହାପାତ୍ର, ନବ କିଶୋର ପ୍ରଧାନ ∣

 

 

 

ଓଡ଼ିଆରେ ଓଡ଼ିଶାର ଶାସନ : ଖିଲାପକାରୀକୁ ଦଣ୍ଡବିଧାନ ପାଇଁ ସବୁଦିନ ପରି କୁଳଗୌରବ ମଧୁସୂଦନଙ୍କ ପାଦ ତଳେ ଶପଥ ନବୀକରଣ ∣

ଛଶହ ଷୋଳ ଦିନରେ ଭାଷା ଆନ୍ଦୋଳନ

 

 

ଆଜିର କଳାପତାକା ଅଭିଯାତ୍ରୀ : ନିଳମଣି ମିଶ୍ର, ସଂଜୟ ପରିଡ଼ା, ଇଂ ସୁବୋଧ ଚନ୍ଦ୍ର ଧଲ, ସୁଦର୍ଶନ ସାହୁ ∣

 

 

 

ଓଡ଼ିଆରେ ଓଡ଼ିଶାର ଶାସନ : ଖିଲାପକାରୀକୁ ଦଣ୍ଡବିଧାନ ପାଇଁ ସବୁଦିନ ପରି କୁଳଗୌରବ ମଧୁସୂଦନଙ୍କ ପାଦ ତଳେ ଶପଥ ନବୀକରଣ ∣

ଛଶହ ପନ୍ଦର ଦିନରେ ଭାଷା ଆନ୍ଦୋଳନ

 

 

ଆଜିର କଳାପତାକା ଅଭିଯାତ୍ରୀ : ପବିତ୍ର ମହାରଥା, ଡଃ ଅସୀତ ଦାସ, ସଞ୍ଜୟ ବସ୍ତିଆ ଓ ଲକ୍ଷ୍ମଣ ଦାଶ ∣

 

 

 

 

ଓଡ଼ିଆରେ ଓଡ଼ିଶାର ଶାସନ : ଖିଲାପକାରୀକୁ ଦଣ୍ଡବିଧାନ ପାଇଁ ସବୁଦିନ ପରି କୁଳଗୌରବ ମଧୁସୂଦନଙ୍କ ପାଦ ତଳେ ଶପଥ ନବୀକରଣ ∣

ବ୍ରହ୍ମପୁରର ଉଦ୍ଘୋଷଣ : ନବୀନ ସୁଧୁରନ୍ତୁ , ଓଡ଼ିଆକୁ ଅଲଂଘ୍ୟ କରନ୍ତୁ

‘ଗଣ ଓ ଗଣମାଧ୍ୟମ ସ୍ଵରରେ ଭାଷା ଆନ୍ଦୋଳନ’ ବିଷୟରେ ଥିଲା ଭାଷା ଆନ୍ଦୋଳନ ବ୍ରହ୍ମପୁର ଶାଖାର ଚିନ୍ତକ ସମାବେଶ ∣ ସ୍ଥାନ ବ୍ରହ୍ମପୁର ଉତ୍କଳ ଆଶ୍ରମ ସଭାକକ୍ଷ ∣ ଦିନ ଡିସେମ୍ବର 16 ∣

ବକ୍ତବ୍ୟ ରଖିଥିଲେ ଭାଷା ଆନ୍ଦୋଳନର କେନ୍ଦ୍ରୀୟ ନେତୃତ୍ବ – ଅଧ୍ୟକ୍ଷ ସୁଭାଷ ଚନ୍ଦ୍ର ପଟ୍ଟନାୟକ, ସଭାପତି ପ୍ରଦ୍ୟୁମ୍ନ ଶତପଥୀ ଓ ଆବାହକ ପବିତ୍ର ମହାରଥା ଏବଂ ବ୍ରହ୍ମପୁରର ବିଶିଷ୍ଟ ଵିଦ୍ଵାନ ଡ଼. ପି ଶଙ୍କର ନାରାୟଣ ପାତ୍ର , ଡ଼. କାର୍ତିକ ଚନ୍ଦ୍ର ରାଉତ , ଡ଼. ସନ୍ତୋଷ ଦାସ ଓ ଛତ୍ରପୁର ଭାଷା ଆନ୍ଦୋଳନର କର୍ଣ୍ଣଧାର ସୌମ୍ୟ ନାୟକ ∣

ଭାଷା ଆନ୍ଦୋଳନର ଅଭୂତପୂର୍ବ କଳାପତାକା ଅଭିଯାନ ପ୍ରତି ଦୃଢ ସମର୍ଥନ ଜ୍ଞାପନ କରିଥିଲେ ସମବେତ ସମସ୍ତ ଭାଷାପ୍ରେମୀ ∣ ଏହି ଜିଲ୍ଲାରୁ ବିଧାନସଭାକୁ ଯାଇ ଏହି ମାଟିର ଭାଷାଗାରିମାକୁ ଅବଜ୍ଞା କରୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁଧୁରି ଯାଆନ୍ତୁ ବୋଲି ଆହ୍ବାନ ଦେଇ ଓଡ଼ିଆ ଭାଷାରେ ରାଜ୍ୟ ପରିଚାଳନା ଅଲଂଘ୍ୟ ହେବା ଓ ଭାଷା ଆଇନ ଉଲ୍ଲଙ୍ଘନକାରୀଙ୍କୁ ଦଣ୍ଡବିଧାନ ଆଇନତଃ ପ୍ରଚୋଦିତ ହେବାଯାଏଁ କଳାପତାକା ଅଭିଯାନ ନିଶ୍ଚୟ ଚାଲିବ ବୋଲି ଏହି ସମାବେଶ ସ୍ପଷ୍ଟ କରିଦେଇଥିଲା ∣

ଆବାହକ ଡ଼. ସାଗରରଞ୍ଜନ ତ୍ରିପାଠୀ ଏକ ସଂକ୍ଷିପ୍ତ ବିବରଣୀ ଦେଇ ସାମାଜିକ ଗଣମାଧ୍ୟମରେ କହିଛନ୍ତି, “ଓଡିଶା ମୁକ୍ତି ଆନ୍ଦୋଳନର ସଙ୍କେତ ଦେଇ ସତେ ଯେମିତି ଏହା ଡାକୁଥିଲା ଚାରି କୋଟି ଓଡିଆଙ୍କୁ: ଆସ, ପୁଣି ଏକ ଓଡିଆ ପରିପନ୍ଥୀ ମଣିଷ ହାତରୁ ଓଡ଼ିଶାକୁ ମୁକୁଳାଇ ଭାଷା ଜନନୀର ସୁରକ୍ଷାକରିବା ∣”

ଏହି ଐଁତିହାସିକ ସମାବେଶର କେତେକ ଫଟୋଚିତ୍ର , ଯାହା ଡ଼. ତ୍ରିପାଠୀଙ୍କ ସୂତ୍ରରୁ ମିଳିଛି , ଏଠି ସ୍ଥାନିତ ହେଲା ∣

 

ଛଶହ ଚଉଦ ଦିନରେ ଭାଷା ଆନ୍ଦୋଳନ

 

 

ଆଜିର କଳାପତାକା ଅଭିଯାତ୍ରୀ : କୃଷ୍ଣଚନ୍ଦ୍ର ମିଶ୍ର, ଦେବବର ନାୟକ, ସବ୍ୟସାଚୀ ଶତପଥୀ, ସନ୍ତୋଷ କୁମାର ମିଶ୍ର ∣

 

 

ଓଡ଼ିଆରେ ଓଡ଼ିଶାର ଶାସନ : ଖିଲାପକାରୀକୁ ଦଣ୍ଡବିଧାନ ପାଇଁ ସବୁଦିନ ପରି କୁଳଗୌରବ ମଧୁସୂଦନଙ୍କ ପାଦ ତଳେ ଶପଥ ନବୀକରଣ ∣

ଛଶହ ତେର ଦିନରେ ଭାଷା ଆନ୍ଦୋଳନ

 

ଆଜିର କଳାପତାକା ଅଭିଯାତ୍ରୀ : ନବ କିଶୋର ପ୍ରଧାନ, ମଦନ ମୋହନ ହରିଚନ୍ଦନ ମହାପାତ୍ର, ଲକ୍ଷ୍ମଣ ଦାଶ, ନାରାୟଣ ଖୁଣ୍ଟିଆ ∣

 

 

ଓଡ଼ିଆରେ ଓଡ଼ିଶାର ଶାସନ : ଖିଲାପକାରୀକୁ ଦଣ୍ଡବିଧାନ ପାଇଁ ସ