ସୁଭାଷ ଚନ୍ଦ୍ର ପଟ୍ଟନାୟକ
ଭାଷା ଆନ୍ଦୋଳନର ନାମ ବ୍ୟବହାର କରି ପବିତ୍ର ମହାରଥା କିପରି ବହୂଲକ୍ଷ ଟଙ୍କାର ଜାଲିଆତି ଓ ତୋଷରପାତ କରିଛନ୍ତି ତାହା ସପ୍ରମାଣ ପ୍ରକାଶ ପାଇଛି । ଏହି ଆର୍ଥିକ ଅପରାଧ ସହ ପ୍ରଦ୍ୟୁମ୍ନ ଶତପଥୀ କିପରି ଜଡିତ ହୋଇଛନ୍ତି ତାହା ଭାଷା ଆନ୍ଦୋଳନର ଅଧ୍ୟକ୍ଷ ଭାବେ ମୁଁ ପୋଲିସରେ ଦାଖଲ କରିଥିବା ଏତଲାରେ ଉଲ୍ଲେଖ କରିଛି । ଏହି ଦୁଇ ବ୍ୟକ୍ତି ସରକାରଙ୍କ ସହ ହାତ ମିଳାଇ ଭାଷା ଆନ୍ଦୋଳନକୁ କିପରି ଲକ୍ଷ୍ୟଭ୍ରଷ୍ଟ କରିବାକୁ ଚେଷ୍ଟା କରିଛନ୍ତି ତାହା ଏହି ଗଣମାଧ୍ୟମରେ ସକ୍ରିୟଥିବା ବନ୍ଧୁମାନଙ୍କୁ ଜଣା ।
ଯେହେତୁ ମୁଁ ଭାଷା ଆନ୍ଦୋଳନର ଅଧ୍ୟକ୍ଷ ଭାବେ ଉପରୋକ୍ତ ଆର୍ଥିକ ଅପରାଧ ଉପରେ କାର୍ଯ୍ୟାନୁଷ୍ଠାନ ପାଇଁ ପୋଲିସରେ ଏତଲା କରିଛି ସେହେତୁ ମୋର ସେହି ପଦମର୍ଯ୍ୟାଦାକୁ ସଂକଟଗ୍ରସ୍ତ କରିବା ପାଇଁ ଏମାନେ ଚକ୍ରଧର ମହନ୍ତ (Chakradhar Mohanta) ନାମକ ବ୍ୟକ୍ତି ଭାଷା ଆନ୍ଦୋଳନର ଅଧ୍ୟକ୍ଷ ହୋଇଛନ୍ତି ବୋଲି ପ୍ରଚାର ଚଳାଇଛନ୍ତି ଓ ଗତକାଲି ଓଡ଼ିଆ ଭାଷାକୁ ଓଡିଶା ବିଧାନସଭାରେ ଯେଉଁ ମରଣ-ଆଘାତ ମିଳିଲା ତାହାକୁ ନିଜର ବିଜୟ ବୋଲି ସାମ୍ବାଦିକ ସମ୍ମିଳନୀରେ ଘୋଷଣା କରିଥିବା ଉପରୋକ୍ତ ଦୁଇ ଅଭିଯୁକ୍ତ ଏହି ଚକ୍ରଧର ମହନ୍ତଙ୍କୁ ଉପସ୍ଥାପିତ ବି କରିଛନ୍ତି ଅଧ୍ୟକ୍ଷ ଭାବେ ।
କିଏ ଏହି ବ୍ୟକ୍ତି ? ଏ ଜଣେ ଅର୍ଥନୈତିକ ଅପରାଧୀ । ଜଳସେଚନ ବିଭାଗର ଦକ୍ଷିଣ ଓଡିଶା ମଣ୍ଡଳର ତତ୍ତ୍ଵାବଧାନ ଦାୟିତ୍ଵରେ ଥିବା ବେଳେ ଦୁର୍ନୀତି ମାଧ୍ୟମରେ ପ୍ରଚୁର ପରିମାଣର ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ହେତୁ ଦୁର୍ନୀତି ନିବାରଣ ଆଇନ ବଳରେ ତାଙ୍କ ସମ୍ପତ୍ତି ବାଜ୍ୟାପ୍ତ କରିବା ପାଇଁ ସରକାର ନିଷ୍ପତ୍ତି କରିଛନ୍ତି ଓ ଏହି ନିଷ୍ପତ୍ତିକୁ କାର୍ଯ୍ୟକାରୀ କରିବା ପାଇଁ ଦୁର୍ନୀତି ନିବାରଣ ବିଭାଗର ସ୍ଵତନ୍ତ୍ର ଅଦାଲତରେ ଏହାଙ୍କ ବିରୁଦ୍ଧରେ ମୋକଦ୍ଦମା ହୋଇଛି ।
ଅର୍ଥନୈତିକ ଅପରାଧୀମାନେ ଅର୍ଥନୈତିକ ଅପରାଧରେ ସିଦ୍ଧହସ୍ତ ବ୍ୟକ୍ତିଙ୍କୁ ନିଜର ଅଧ୍ୟକ୍ଷ ଭାବେ ପରିଚିତ କରାଇବା ସ୍ଵଭାବିକ ।
ସବୁ ଜାଲିଆ ଗୋଟାଏ ଜାଗାରେ ଏବେ ଏକାଠି ! ଭାଷା ଆନ୍ଦୋଳନ କେଉଁଠି ସତେ ନ ପହଁଚିଲା !
