(ନିଉଜ ସିଣ୍ଡିକେଟ)

 

 

 

 

 

 

 

 

 

 

 

ଦୈନିକ ସୂର୍ଯ୍ୟପ୍ରଭାର ସମ୍ପାଦକ ରବି କାନୁନଗୋ ଓଡ଼ିଆ ଭାଷାର ଚଳନ୍ତି ପର୍ଯ୍ୟାୟର ଜଣେ ଅତନ୍ଦ୍ର ସଞ୍ଜୟ , ଯଦିଓ ସଞ୍ଜୟ ନାମ ବ୍ୟବହାର କରି ତାଙ୍କରି କାଗଜରେ ‘ସାହିତ୍ୟ ମହାଭାରତ’ ପରିବେଷଣ କରିବାକୁ ସେ ଆମ ଭାଷାର ଅନ୍ୟତମ ଶ୍ରେଷ୍ଠ ପର୍ଯ୍ୟବେକ୍ଷକ ଅସିତ ମହାନ୍ତିଙ୍କୁ ଅର୍ପି ଦେଇଥିଲେ ଏକ ସ୍ଵତନ୍ତ୍ର ପୃଷ୍ଠା ।

‘ସାହିତ୍ୟ ମହାଭାରତ’ ଆମ ଭାଷା ଜୀବନର ଏକ କ୍ଲୀଷ୍ଟ ଅଧ୍ୟାୟର ଇତିହାସ ଯାହା ସାହିତ୍ୟ ଗବେଷକମାନଙ୍କ ପାଇଁ ଅପରିହାର୍ଯ୍ୟ ହୋଇରହିବ  ।  ସେହିପରି ଭାଷା ଆନ୍ଦୋଳନର ଇତିହାସପାଠକମାନଙ୍କ ପାଇଁ ରବିବାବୁଙ୍କ ସମ୍ପାଦକୀୟଗୁଡ଼ିକରୁ କେତେକ ଆଲୋକବର୍ଷୀ ହୋଇ ରହିଥିବ । ତହିଁରୁ ଗୋଟିଏ ହେଉଛି ୨୯.୯.୨୦୧୬ରେ ପ୍ରକାଶିତ ତାଙ୍କ  ସମ୍ପାଦକୀୟ –  ଭାଷା ଓ ଭଗବାନ ।

ସେ ମାସ ୪ ଓ ୫ ତାରିଖରେ ସମାଜ କାଗଜରେ କ୍ରମାଗତ ଦୁଇ ଦିନ “ଓଡ଼ିଆ ଭାଷା: ବିଜ୍ଞାନ ଓ ବିକାଶର ଭାଷା” ଶୀର୍ଷକ ନିବନ୍ଧ ଲେଖି ହର ପ୍ରସାଦ ଦାସ  ଯେଉଁ ପ୍ରହେଳିକା ସୃଷ୍ଟି କରିଥିଲେ, ୧୫.୯.୨୦୧୬ ତାରିଖର ସମାଜରେ “ଆମ ଭାଷା ସମ୍ପର୍କରେ ଦି’ଚାରି ପଦ” ଶୀର୍ଷକ ଗୋବିନ୍ଦ ଭୂୟାଁଙ୍କ ଶକ୍ତିଶାଳୀ ସମାଲୋଚନା ସତ୍ତ୍ୱେ, ସେ ପ୍ରହେଳିକା ଯେତେବେଳେ ତଥାପି ମୁଖ ବ୍ୟାଦାନ କରି ରହିଥିଲା, ରବିବାବୁଙ୍କ ଏହି ଅତ୍ୟନ୍ତ ସମୟୋପଯୋଗୀ ସମ୍ପାଦକୀୟ ଓଡ଼ିଆ ବିବେକକୁ ଦେଇଥିଲା ତାର ସଂଗ୍ରାମୀ ତେଜଷ୍କ୍ରିୟତା ।

ଭାଷା ଆନ୍ଦୋଳନ ସମ୍ପ୍ରତି ସରକାରୀ ଷଡ଼ଯନ୍ତ୍ରର ଆବର୍ତ୍ତରେ ପଡ଼ିଥିବା ବେଳେ ଏହି ସମ୍ପାଦକୀୟଟି ହୁଏତ ଆଲୋକଦାୟୀ ହୋଇପାରେ ।

 

Comments

No comments yet.

Leave a Reply

Basic HTML is allowed. Your email address will not be published.

Subscribe to this comment feed via RSS

This site uses Akismet to reduce spam. Learn how your comment data is processed.