Posts tagged କଳାପତାକା ଅଭିଯାନ

ନିଉଜ ସିଣ୍ଡିକେଟ
ଭାଷାଜୀବୀ ଓ ଭାଷାନୁରକ୍ତ ସମାନ ନୁହନ୍ତି । ସାହିତ୍ୟିକମାନେ , ଯେଉଁମାନେ ଆମ ଭାଷାକୁ ଉପଯୋଗ କରି ଅର୍ଥ ଉପାର୍ଜନ କରୁଛନ୍ତି ସେମାନେ ଭାଷାଜୀବୀ । ମାତ୍ର ଆମ ମାତୃଭାଷାକୁ ବିଦେଶୀ ଭାଷାର ଆଧିପତ୍ୟ କବଳରୁ ବଞ୍ଚାଇବା ପାଇଁ ଯେଉଁମାନେ ନିଜର ସମସ୍ତ ସୁଖ ସ୍ବାଚ୍ଛନ୍ଦ୍ୟ ଭୁଲି ପ୍ରତିଦିନ କଳାପତାକା ଅଭିଯାନ ଚଳାଇଛନ୍ତି ସେମାନେ ଭାଷାନୁରକ୍ତ ।

ଆମ ଭାଷାରେ ଆମ ରାଜ୍ୟ ପରିଚାଳନା ପାଇଁ ଚାଲିଥିବା ନିଶବ୍ଦ କଳାପତାକା ଅଭିଯାନର ଏଇ ୧୨୧୭ ଦିନରେ ଆଜି ଯେଉଁ ଦୁଇ ଶ୍ରେଷ୍ଠ ଓଡ଼ିଆ ନିଜର ଭାଷାନୁରକ୍ତି ପ୍ରଦର୍ଶନ କରିଛନ୍ତି ସେମାନେ ହେଲେ ଭାଇ କମଳ ଲୋଚନ ନାୟକ ଓ ଭାଇ ସୁଭାଷ ଚନ୍ଦ୍ର ପ୍ରଧାନ । ସମଗ୍ର ଓଡ଼ିଆ ଜାତି ସାଙ୍କେତିକତଃ ଏହି ଦୁଇ ଭାଇଙ୍କ ଭିତରେ ସଂସ୍ଥିତ । ଡ॰ ଅଶୋକ ମିଶ୍ର ଏହି ଉଭୟ ଭାଷାନୁରକ୍ତଙ୍କ ଫଟୋ ଉଠାଇ ଆପଣମାନଙ୍କ ପାଇଁ ପଠାଇଛନ୍ତି ।

ଫୁଲବାଣୀ

କଳାପତାକା ଅଭିଯାନ ଭୁବନେଶ୍ଵର ବାହାରେ ସବୁଠୁ ଅଧିକ ଦିନ ଚାଲିଛି ଫୁଲବାଣୀ ସହରରେ । ଆଜି ଭାଇ ଅଶୋକ ପରିଡ଼ା ଓ ସୁରେନ୍ଦ୍ର ମହାନ୍ତି ଓଡ଼ିଆ ଜାତିର ଭୀଷ୍ମ ପ୍ରତିଜ୍ଞା ଜଣାଇ ଦେଇଛନ୍ତି ସରକାରଙ୍କୁ, ଯାହା ଭାଶାନୁରକ୍ଟିର ଶକ୍ତିରେ ଶକ୍ତିମାନ ।

ଓଡ଼ିଶାର ଭାଷାଜୀବୀମାନେ ଯଦି ଭାଷାନୁରକ୍ତ ହୋଇପାରନ୍ତେ ଓଡ଼ିଆ ଭାଷା ତା ନିଜ ପରିସୃଷ୍ଟ ପ୍ରଦେଶରେ ସରକାରୀ ଷଡ଼ଯନ୍ତ୍ର କବଳରୁ ନିସ୍ତାର ପାଇପାରନ୍ତା ।

ନିଉଜ ସିଣ୍ଡିକେଟ
୧୩.୮.୨୦୧୯
ଇଂରେଜୀ କବଳରୁ ମୁକ୍ତି ପାଇଁ ଯେଉଁ ଢେଙ୍କନାଳ ଜିଲ୍ଲା ଦେଇଥିଲା ଭାରତକୁ କନିଷ୍ଠତମ ସହିଦ ବାଜି ରାଉତ, ଯେଉଁ ଢେଙ୍କନାଳ ଜିଲ୍ଲାର ବୀର ବୈଷ୍ଣବ ପଟ୍ଟନାୟକ ପ୍ରଜାମଣ୍ଡଳ ପ୍ରତିଷ୍ଠା କରି ରାଜୋଡ଼ା ବିଲୋପନର ପଥ ପରିଷ୍କାର କରିଥିଲେ କେବଳ ନୁହେଁ, ପାର୍ଲ୍ୟାମେଣ୍ଟରେ ଯୁଗାନ୍ତକାରୀ ଭାଷଣ ଦେଇ ରାଜାରାଜୁଡ଼ାଙ୍କ ହାତପାଣ୍ଠି ଓ ସ୍ବତନ୍ତ୍ର ଅଧିକାର ଲୋପ ପାଇଁ ପରିବେଶ ସୃଷ୍ଟି କରିଥିଲେ, ସେହି ବୀରପ୍ରସବିନୀ ଢେଙ୍କାନାଳର ତିନିଜଣ ବୀର ସନ୍ତାନ ଆଜି ଇଂରେଜୀ ଭାଷା କବଳରୁ ଆମର ମୁକ୍ତି ପାଇଁ କଳାପତାକା ଅଭିଯାନକୁ ଆଗେଇନେଇଛନ୍ତି ରାଜଧାନୀ ବକ୍ଷରେ ।

ଭାଇ ସୁଭାଷ ଚନ୍ଦ୍ର ପ୍ରଧାନ ଓ ଭାଇ କମଳ ଲୋଚନ ନାୟକଙ୍କ ହାତକୁ ଓଡ଼ିଆ ଭାଷାଜନନୀର ଏହି ବିଜୟଧ୍ବଜା ବଢେଇ ଦେଇଥିଲେ ବୈଜ୍ଞାନିକ ଡଃ ଅଶୋକ ମିଶ୍ର ।

ଆଜି ଥିଲା ଆମ ଜାତିର ଏହି ସର୍ବଶ୍ରେଷ୍ଠ ଆନ୍ଦୋଳନର ୧୨୧୬ତମ ଦିବସ ।

ଓଡ଼ିଆ ଜାତି ତାର ଅସ୍ମିତାପାଇଁ ସଂଗ୍ରାମରେ ଆଜିଯାଏଁ କେବେ ହାରି ନାହିଁ , ହାରିବ ବି ନାହିଁ ।
ଜୟ ମା ଓଡ଼ିଶା ।

ନିଉଜ ସିଣ୍ଡିକେଟ

ଭାଷା ଆନ୍ଦୋଳନର ପ୍ରତିଷ୍ଠାତା ସୁଭାଷ ଚନ୍ଦ୍ର ପଟ୍ଟନାୟକ ବିଭିନ୍ନ ପ୍ରାମାଣିକ ତଥ୍ୟ ଦେଇ ଓଡ଼ିଆ ଭାଷାଦ୍ରୋହୀ ବିଜେଡି ସରକାର ଓ ଭାଷା ଆନ୍ଦୋଳନକୁ ଛୁରି ମରିଥିବା ତାଙ୍କ ପୋଷାମନା ଦଲାଲମାନଙ୍କ ମୁଖା ଖୋଲିଦେଇଛନ୍ତି ଭୁବନେଶ୍ଵରରେ ଅନୁଷ୍ଠିତ ପ୍ରଥମ ମାତୃଭାଷାପ୍ରେମୀ ସମ୍ମିଳନୀରେ ଜୁଲାଇ ୧୭ ତାରିଖରେ ସେ ରଖିଥିବା ଭିତ୍ତି-ଭାଷଣରେ ।

ଭାଷା ଆନ୍ଦୋଳନର ସଭାପତିମଣ୍ଡଳୀ ଦ୍ଵାରା ଆହୁତ ଏହି ସମ୍ମିଳନୀରେ ଅଧ୍ୟକ୍ଷତା କରିଥିଲେ ବିଶିଷ୍ଟ ବୈଜ୍ଞାନିକ ଡ॰ ଅଶୋକ ମିଶ୍ର । ପରିବେଶସୁରକ୍ଷା ଓ ମାନବାଧିକାର କ୍ଷେତ୍ରରେ ପୃଥିବୀର ଅନ୍ୟତମ ନିରୋଳା ଚିନ୍ତାନୟକ ଓ ଅଭିଯାତ୍ରୀ ପ୍ରଫୁଲ୍ଲ ସମନ୍ତରା ମୁଖ୍ୟଅତିଥି ଓ ପ୍ରଫେସର କମଳାପ୍ରସାଦ ମହାପାତ୍ର ମୁଖ୍ୟବକ୍ତା ଭାବେ ଯୋଗ ଦେଇଥିବା ଏହି ଐତିହାସିକ ଗୁରୁତ୍ବସମ୍ପନ୍ନ ସମ୍ମିଳନୀକୁ ପରିଚାଳିତ କରିଥିଲେ ସୁବିଖ୍ୟାତ ବାଗ୍ମୀ ଓ ଲେଖକ, ଅଧ୍ୟାପକ ବିଶ୍ବରଞ୍ଜନ ।

ଓଡ଼ିଶା ସରକାରୀ ଭାଷା ଆଇନ,୧୯୫୪ର କାର୍ଯ୍ୟକାରୀତା ପାଇଁ ୨୦୧୫ରେ ଗଠିତ ମନ୍ତ୍ରୀସ୍ତରୀୟ କମିଟିର ସଦସ୍ୟ ଭାବେ ଶ୍ରୀ ପଟ୍ଟନାୟକ ଦୁଇଟି ନିର୍ଦ୍ଦିଷ୍ଟ ପ୍ରସ୍ତାବ ରଖିଥିଲେ । ଆଇନଟିର ଉଲ୍ଲଂଘନକାରୀକୁ ଦଣ୍ଡବିଧାନ ବ୍ୟବସ୍ଥା ନଥିବାରୁ ଇଂରାଜିମନସ୍କ କର୍ମଚାରୀମାନେ ଓଡ଼ିଆରେ କାମ କରୁନାହାନ୍ତି ଓ ଏହି ବ୍ୟବସ୍ଥା ନ ହେଲା ଯାଏଁ ଏହି ସମସ୍ୟାର ଅନ୍ତ ଘଟିବ ନାହିଁ ବୋଲି ନିରୂପଣ କରି ସେ ଏହି ବ୍ୟବସ୍ଥା ସହ ଆଇନଟିର ସମ୍ପୂର୍ଣ କାର୍ଯ୍ୟକାରୀତା ପାଇଁ ୧୧ଟି ନିୟମ ସମ୍ବଳିତ ଏକ ନିଯମାବଳୀ ଦେଇଥିଲେ ଓ ମୂଳ ଆଇନରେ ନିଯମାବଳୀ ପ୍ରଣୟନର କ୍ଷମତା ସରକାରଙ୍କକୁ ପ୍ରଦତ୍ତ ହୋଇନଥିବାରୁ ଆଇନ ସଂଶୋଧନ ଦ୍ଵାରା ଏହି ତ୍ରୁଟି ସୁଧାରିବାକୁ ତହିଁର ଚିଠା ମଧ୍ୟ ଦେଇଥିଲେ । ଏହି ପରାମର୍ଶ ଅନୁସାରେ ୨୦୧୬ରେ ଆଇନ ସଂଶୋଧନ କରି ନିଯମାବଳୀ ପ୍ରଣୟନର କ୍ଷମତା ସରକାର ପ୍ରାପ୍ତ ହୋଇଛନ୍ତି । କିନ୍ତୁ ନିଯମାବଳୀ ପ୍ରଣଯନ କ୍ଷେତ୍ରରେ ସୁଭାଷବାବୁଙ୍କ ପ୍ରଦତ୍ତ ପରାମର୍ଶ ଓ ଚିଠା ସରକାରଙ୍କୁ ଅଡୁଆରେ ପକାଇଛି । ଭାଷା ପାଇଁ ଗଠିତ ସ୍ଵତନ୍ତ୍ର ୱେବ ସାଇଟରେ ସ୍ଥାନିତ ହୋଇଥିବା ଶ୍ରୀ ପଟ୍ଟନାୟକଙ୍କ ପ୍ରସ୍ତାବିତ ବିଧାନକୁ ସରକାର ଲୁଚେଇ ଦେବା ମତଲବରେ ୱେବ ସାଇଟଟିକୁ ସର୍ବସାଧାରଣଙ୍କ ପାଇଁ ନିଷିଦ୍ଧ କରିଥିବା ବେଳେ ଶ୍ରୀ ପଟ୍ଟନାୟକଙ୍କ ଦୁଇଜଣ ମୂଳ ସହଯୋଗୀ ପ୍ରଦ୍ୟୁମ୍ନ ଶତପଥୀ ଓ ପବିତ୍ର ମହାରଥାଙ୍କୁ ସେମାନଙ୍କ ଆର୍ଥିକ ଅସାଧୁତାର ଉପଯୋଗ କରି ପୋଷାମନେଇଛନ୍ତି ଓ ୨୦୧୮ରେ ଆଇନଟିର ଅନାବଶ୍ୟକ ସଂଶୋଧନ କରି ସୁଭାଷବାବୁ ଦେଇଥିବା ବିଧାନକୁ ବିଧିଭୁକ୍ତ ନକରିବା ପାଇଁ ପଦକ୍ଷେପ ନେଇଛନ୍ତି । ଉପରୋକ୍ତ ଦୁଇ ସରକାରୀ ପୋଷାମନା ଖଳନାୟକ ଆଇନଟି ଠିକ ଭାବେ ସଂଶୋଧନ ହୋଇସାରିଛି ବୋଲି ଲୋକଙ୍କୁ ମିଛ କହି ଓଡ଼ିଆଦ୍ରୋହୀ ସରକାରଙ୍କୁ ଘଣ୍ଟାଘୋଡାଉଛନ୍ତି ଓ ସେମାନେ ସୁଭାଷବାବୁଙ୍କ ଘନିଷ୍ଠ ସହକର୍ମୀ ଭାବେ ସାଧାରଣରେ ପରିଚିତ ହୋଇଥିବା ହେତୁ ଲୋକେ ବିଭ୍ରାନ୍ତିରେ ପଡ଼ୁଛନ୍ତି । ତେଣୁ ଲୋକଙ୍କ ସମ୍ମୁଖରେ ସମସ୍ତ ତଥ୍ୟ ରଖିବା ପାଇଁ ଓ ଏପରି ବିଷମ ସ୍ଥିତିରେ କର୍ତ୍ତବ୍ୟ ନିରୂପଣ ପାଇଁ ଏ ପର୍ଯ୍ୟନ୍ତ କଳାପତାକା ଅଭିଯାନରେ ଅଂଶ ଗ୍ରହଣ କରିଥିବା ମାତୃଭାଷାପ୍ରେମୀଙ୍କୁ ସାମାଜିକ ଗଣମାଧ୍ୟମରେ ଖୋଲା ନିମନ୍ତ୍ରଣ ଦେଇ ଏହି ସମ୍ମିଳନୀ ଅନୁଷ୍ଠିତ ହୋଇଥିଲା । ତହିଁରେ ଶ୍ରୀ ପଟ୍ଟନାୟକ ରଖିଥିବା ଭିତ୍ତି-ଭାଷଣ ଓଡ଼ିଆ ଭାଷା ଇତିହାସର ସଠିକ ଅବଲୋକନ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ ହୋଇଥିବା ହେତୁ ତାହା ତଳେ ଅବିକଳ ପ୍ରଦତ୍ତ ହେଲା ।

ଅଧୁନାତନକରଣ

ଶ୍ରୀ ପଟ୍ଟନାୟକଙ୍କ ଭାଷଣଟି ଦୀର୍ଘ ହୋଇଥିବା ହେତୁ ତାହାକୁ ଅଗଷ୍ଟ ୧୧ରେ ଅଧୁନାତନକରଣ କରାଯାଇ ଦୁଇ ଭାଗରେ ବିଭକ୍ତ କରାଯାଇଛି ଓ ୟୁ ଟ୍ୟୁବରେ ପ୍ରକାଶିତ କରି ଏଠାରେ ତାହାକୁ ପୁନଃ ସଂସ୍ଥିତ କରାଯାଇଛି ।