Posts from the Actions Category

ଦି ନିଉଜ୍ ସିଣ୍ଡିକେଟ୍

ଓଡ଼ିଶା ପ୍ରଦେଶ ସୃଷ୍ଟିର ଏକମାତ୍ର ଉଦ୍ଦେଶ୍ୟ: ଓଡ଼ିଆ ଭାଷାରେ ରାଜ୍ୟ ପରିଚାଳନା । :

ଭାଷା ଆନ୍ଦୋଳନର ଏକମାତ୍ର ଉଦ୍ଦେଶ୍ୟ : ଭାଷା ଆଇନର କାର୍ଯ୍ୟକାରୀତା ପଥରୁ ସମସ୍ତ ଅନ୍ତରାୟ ଅପସାରଣ ପାଇଁ ଏହାର ପ୍ରତିଷ୍ଠାତା ସୁଭାଷ ଚନ୍ଦ୍ର ପଟ୍ଟନାୟକ ମନ୍ତ୍ରୀସ୍ତରୀୟ କମିଟିର ସଭ୍ଯ ଭାବେ ସେପ୍ଟେମ୍ବର ୩, ୨୦୧୫ ତାରିଖରେ ଦେଇଥିବା ଆଇନ ସଂଶୋଧନ ପ୍ରସ୍ତାବ ଓ ନିୟମାବଳୀର ବିଧିକ ରୂପାୟନ ।

ଏହି ପ୍ରସ୍ତାବ ଅନୁସାରେ ଭାଷା ଆଇନରେ ଧାରା -୫ ଖଞ୍ଜିବାକୁ ସରକାର ବାଧ୍ୟ ହୋଇଥିଲେ ମଧ୍ୟ ଅଣଓଡ଼ିଆ ଅଫିସରଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହାତ ମିଳାଇ, ବିଧାନସଭାକୁ ମିଛ କହି, ପାଶବିକ ସଂଖ୍ୟାଗରିଷ୍ଠତା ବଳରେ ଭାଷା ଆଇନରେ ଧାରା-୪ ଓ ଧାରା – ୪କ ନାମକ ଦୁଇଟି ଓଡ଼ିଆ ବିରୋଧୀ ବ୍ୟବସ୍ଥା ଖଞ୍ଜିଛନ୍ତି । ମାର୍ଚ୍ଚ ୧୪, ୨୦୧୮ ତାରିଖର ଯେଉଁ କ୍ୟାବିନେଟ୍ ବୈଠକରେ ସୁଭାଷବାବୁଙ୍କ ପ୍ରସ୍ତାବ ଅନୁରୂପ ଆଇନ ସଂଶୋଧନ ପାଇଁ ପ୍ରସ୍ତାବ ଗୃହୀତ ହୋଇଥିଲା, ସେହି କ୍ୟାବିନେଟ୍ ବୈଠକକୁ ମୁଖ୍ୟମନ୍ତ୍ରୀ ଗାଏବ କରିଦେବା ପରି ଅପରାଧ ବି କରିଛନ୍ତି ଓଡ଼ିଆ ଜାତିକୁ ତାର ଭାଷା ଅଧିକାର ନଦେବାପାଇଁ । କେବଳ ଓଡ଼ିଶା କାହିଁକି, ସାରା ଭାରତରେ ଓ ସମଗ୍ର ବିଶ୍ଵରେ ବିଧାନ ପ୍ରଣଯନ କ୍ଷେତ୍ରରେ ଏପରି ଦୁଷ୍କର୍ମର ପଟାନ୍ତର ନାହିଁ । ଏହି ଦୁଷ୍କର୍ମ କରି ଖସିଯିବା ପାଇଁ ଭାଷା ଆନ୍ଦୋଳନରେ ସୁଭାଷବାବୁଙ୍କର ଘନିଷ୍ଠ ସହଯୋଗୀ ଭାବେ ପରିଚୟ ଲାଭ କରିଥିବା ଦୁଇଜଣ ବ୍ୟକ୍ତି – ପ୍ରଦ୍ଯୁମ୍ନ ଶତପଥୀ ଓ ପବିତ୍ର ମହାରଥାଙ୍କ ଅର୍ଥଲୋଭର ଉପଯୋଗ ଏମାନଙ୍କ ଦ୍ଵାରା ପ୍ରଚାର କରିଛନ୍ତି ଯେ, ଭାଷା ଆଇନ ନିର୍ଭୁଲ ଭାବେ ସଂଶୋଧନ ହୋଇଛି ଓ ସେହେତୁ ଆନ୍ଦୋଳନ ପ୍ରତ୍ୟାହୃତ ହୋଇସାରିଛି । ଏପରିଲି ଏହି ବିଶ୍ଵାସଘାତକମାନଙ୍କଠାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭାଷା ଆଇନ ନିର୍ଭୁଲ ଭାବେ ସଂଶୋଧିତ ହୋଇଥିବାର ସ୍ଵୀକୃତି ଭିତ୍ତିରେ ନିଜ ପାଇଁ ପ୍ରଶଂସାପତ୍ର ବି ଲେଖେଇନେଇଛନ୍ତି ! ନବୀନବାବୁଙ୍କ ଛଡ଼ା ଅନ୍ୟ କୌଣସି ମୁଖ୍ୟମନ୍ତ୍ରୀ ଏତେ ନିର୍ଲଜ୍ଜ ଭାବେ ମିଥ୍ୟା ପ୍ରଶଂସାପତ୍ର ସଂଗ୍ରହ କରିଥିବାର ନଜିର ନାହିଁ । କିନ୍ତୁ ଓଡ଼ିଆଭାଷାବିଦ୍ଵେଷୀ ନବୀନ ପଟ୍ଟନାୟକଙ୍କ ଏହି ଦଲାଳପଲ ଓ ଓ ତାଙ୍କ ଷଡ଼ଯନ୍ତ୍ର ସତ୍ତ୍ୱେ ଭାଷା ଆନ୍ଦୋଳନ ଚାଲିଛି ଯାହା ଗତକାଲି ଅତିକ୍ରମ କରିଛି ୧୫୫୧ ଦିବସ ।

କରୋନା ମହାମାରୀ କାଳରେ ନୀତିଗତ କାରଣରୁ କଳାପତାକା ଅଭିଯାନ କାୟିକତଃ ସ୍ଥଗିତ ଥିବା ବେଳେ ବୌଦ୍ଧିକ ଅଭିଯାନ କାଏମ ଅଛି ଓ ପ୍ରତି ସପ୍ତାହରେ ଓଡ଼ିଶାର ଜଣେ ଜଣେ ବିଖ୍ୟାତ ବ୍ୟକ୍ତି ଭାଷାଆନ୍ଦୋଳନର ଡିଜିଟାଲ ମଞ୍ଚ ‘ଭାଷା ମା ପାଇଁ ପଦେ’ ମାଧ୍ୟମରେ ଭାଷା ଆନ୍ଦୋଳନ ପ୍ରତି ସମର୍ଥବ ଜ୍ଞାପନ କରୁଛନ୍ତ, ଯାହା ସାମାଜିକ ଗଣମାଧ୍ୟମ ‘ଫେସ୍ ବୁକ୍’ ଦ୍ଵାରା ସିଧା ପ୍ରସାରିତ ହେଉଛି ।

ଏହିକ୍ରମରେ ଭାଷା ଆନ୍ଦୋଳନର ଏକ ସାପ୍ତାହିକ ପାଠଚକ୍ର ଆରମ୍ଭ ହୋଇଛି । ପ୍ରତି ରବିବାର ସନ୍ଧ୍ୟା ୭ଟାରୁ ଏହି ପାଠଚକ୍ର ଚାଲିବ ଯେଉଁଥିରେ ଆନ୍ଦୋଳନ ସମ୍ପର୍କରେ ଚର୍ଚ୍ଚା ସାଙ୍ଗକୁ ଆନ୍ଦୋଳନର ସପ୍ତାହନ୍ତ ସମୀକ୍ଷା ବି ହେବ ।

ଗତ ସନ୍ଧ୍ୟାର ପାଠଚକ୍ରରେ  ଶ୍ରୀ ସୁଭାଷ ଚନ୍ଦ୍ର ପଟ୍ଟନାୟକ ଅଧ୍ୟକ୍ଷତା କରିଥିବା ବେଳେ ସକ୍ରିୟ ଅଂଶ ଗ୍ରହଣ କରିଥିଲେ ସର୍ବଶ୍ରୀ ରଞ୍ଜନ କୁମାର ସାହୁ, ନିର୍ମଲ କୁମାର ପତ୍ରୀ, ସୁଶାନ୍ତ ମହଲି, ମହେନ୍ଦ୍ର ତ୍ରିପାଠୀ , ଅନୀଲକୁମାର ମହାନ୍ତ, ରାଜେଶ ଶତପଥୀ, ଓ ସୁଧାଂଶୁ ଚୌଧୁରୀ  । ସେମାନଙ୍କ ସାଙ୍ଗକୁ ଜନସେବୀ ସଂଗଠନ ଜୀବନ ସଂଘର୍ଷ ମଧ୍ୟ ସାଙ୍ଗଠନିକ ଭାବେ ଅଂଶ ଗ୍ରହଣ କରିଥିଲେ ।

କରୋନା ମହାମାରୀର ମୁକାବିଲାରେ ସରକାର କେନ୍ଦ୍ରୀଭୂତ ରହନ୍ତୁ – ଏଥିପାଇଁ କଳା ପତାକା ଅଭିଯାନର କାୟିକ ପ୍ରଦର୍ଶନ ସ୍ଥଗିତ ଥିବା ବେଳେ ବୌଦ୍ଧିକ ଅଭିଯାନ ଅକ୍ଷୁର୍ଣ୍ଣ ଅଛି । ଏହି କ୍ରମରେ ଫେସ୍ ବୁକ୍ ଅନ୍ତର୍ଗତ “ଭାଷା ମା ପାଇଁ ପଦେ” ପୃଷ୍ଠାରେ ସମ୍ମାନିତ ଜନନେତା ପ୍ରସାଦ ହରିଚନ୍ଦନ ଆଜି ପୂର୍ବାହ୍ନରେ ‘ଓଡ଼ିଆରେ ଓଡ଼ିଶା’ ବିଷୟରେ ଆଲୋଚନା କରିଥିଲେ ।

ଶିକ୍ଷିତ ଓଡ଼ିଆମାନଙ୍କ ମାତୃଭାଷା ପ୍ରତି ବିମୁଖତା, ସରକାରଙ୍କ ଉଦାସୀନତା ଏବଂ ଓଡ଼ିଆମନସ୍କ ନେତୃତ୍ଵର ଅଭାବ ହେତୁ ଓଡ଼ିଆ ଭାଷା ଆଜି ସଙ୍କଟକବଳିତ ବୋଲି କହି ଶ୍ରୀ ପ୍ରସାଦ ଓଡ଼ିଆ ଜାତିର ଜନ୍ମସିଦ୍ଧ ଅଧିକାର ହାସଲ ପାଇଁ ଚାଲିଥିବା ଭାଷା ଆନ୍ଦୋଳନରୁ କୌଣସି ଆନ୍ଦୋଳନକାରୀ ଓହରିଯିବା ମାତୃଦ୍ରୋହ ବୋଲି ଅଭିହିତ କରିଥିଲେ ।  ପ୍ରତି ଓଡ଼ିଆ ନିଜ ପାଇଁ ନିଜର ଆଚରଣ ସଂହିତା ପ୍ରସ୍ତୁତ କରି ଭାଷା ମା ପାଇଁ ଜୀବନ ପଣ କରିବାକୁ ଆହ୍ଵାନ ଦେଇଦେଇଥିଲେ ଶ୍ରୀ ହରିଚନ୍ଦନ ।

ସୁଭାଷ ଚନ୍ଦ୍ର ପଟ୍ଟନାୟକ

ଓଡ଼ିଆ ଭାଷାରେ ଓଡ଼ିଶାର ପରିଚାଳନା ପାଇଁ ଯେଉଁ ଭାଷା ଆନ୍ଦୋଳନ ଚାଲିଛି ତାହା ଆଜି ପହଞ୍ଚିଛି ୧୫୩୫ତମ ଦିବସରେ । ଏହାର କଳାପତାକା ଅଭିଯାନ ମହାମାରୀ କାରୋନା କାରଣରୁ କାୟିକ ସ୍ତରରେ ସ୍ଥଗିତ ଥିବା ବେଳେ ବୌଦ୍ଧିକ ସ୍ତରରେ ଅବ୍ୟାହତ ଅଛି । ସାମାଜିକ ଗଣମାଧ୍ୟମ ଫେସ୍ ବୁକ୍ ଅବୟବରେ ଏଥିପାଇଁ ଏକ ସ୍ଵତନ୍ତ୍ର ପୃଷ୍ଠା ଖୋଲାଯାଇଛି ଯାହାର ଶୀର୍ଷକ – ଭାଷା ମା ପାଇଁ ପଦେ । ଏହି ଅନନ୍ୟ ଅଭିଯାନ ସହ ଜଡ଼ିତ ଓ ଏହାକୁ ସମର୍ଥନ କରୁଥିବା ବିଶିଷ୍ଟ ଓଡ଼ିଆଭାଷାପ୍ରାଣମାନେ ଏହି ମଞ୍ଚରେ ପ୍ରତି ସପ୍ତାହରେ ଆଲୋଚନା ରଖୁଛନ୍ତି, ଯାହା ସିଧା ପ୍ରସାରିତ ହେଉଛି । ଏହିକ୍ରମରେ ଆଜି (ଜୁନ ୨୯, ୨୦୨୦) ନିଜର ବକ୍ତବ୍ୟ ରଖିଛନ୍ତି ଓଡ଼ିଆ ଭାଷା ସାହିତ୍ୟର ବିଶିଷ୍ଟ ଗବେଷକ ତଥା ଏହି ଆନ୍ଦୋଳନର ଅନ୍ୟତମ ଅଗ୍ରଗଣ୍ୟ କଳାପତାକା ଅଭିଯାତ୍ରୀ ଡଃ ଅସିତ ମହାନ୍ତି ।

ଅଦ୍ୟତନ

ଡଃ ମହାନ୍ତିଙ୍କ ଆଲୋଚନାର ଲିଖିତ ରୂପ –

gourab bhasa

scribd.comରେ ବି ଏହା ପଠିତବ୍ୟ-

 

ସୁଭାଷ ଚନ୍ଦ୍ର ପଟ୍ଟନାୟକ

ଓଡ଼ିଆରେ ଓଡ଼ିଶା ପରିଚାଳନା ପାଇଁ ଚାଲିଥିବା ଆଂଦୋଳନର ଦୃଢ ସମର୍ଥକ, ଜନବିବେକ ପ୍ରଫୁଲ୍ଲ ସମନ୍ତରା ଜୁନ ୨୫ରେ ଅନଶନ ସତ୍ୟାଗ୍ରହ କରି ରାଜନୈତିକ ସରକାରଙ୍କ ଯଥୈଛାଚାର ବିରୁଦ୍ଧରେ ଓଡ଼ିଶା ମାଟିରେ ପ୍ରଥମ ଅଣରାଜନୈତିକ ପ୍ରତିବାଦର ଅୟମାରମ୍ଭ କରିଛନ୍ତି ।

ଲୋହିଆ ଏକାଡ଼େମୀରେ ସେ ଚଳାଇଥିବା ୧୨ ଘଣ୍ଟିଆ “ଉପବାସ-ସତ୍ୟାଗ୍ରହ” ପ୍ରତି ସବୁ ବର୍ଗର ଓଡ଼ିଆମାନେ ସମର୍ଥନ ଜ୍ଞାପନ କରିଛନ୍ତି ।

ଏକ ବିବୃତ୍ତିରେ ସେ କହିଛନ୍ତି, ୪୩ ବର୍ଷ ପୂର୍ବେ ୧୯୭୫ ଜୁନ ୨୫ରେ ପ୍ରବର୍ତ୍ତିତ ଜରୁରୀ ପରିସ୍ଥିତି ଯେପରି ସାଧାରଣ ନାଗରିକର ସାମ୍ବିଧାନିକ ଅଧିକାର କ୍ଷୁର୍ଣ୍ଣ କରିଥିଲା, ଠିକ୍ ସେହିପରି ଆଜି ନରେନ୍ଦ୍ର ମୋଦୀଙ୍କ ୨ୟବାର କ୍ଷମତାରୋହଣ ପରେ ନାଗରିକ ଅଧିକାର ବିପଦାପନ୍ନ ହୋଇଛି ।

“ସାଂସାଦୀୟ ସଂଖ୍ୟା ବଳ ଦ୍ଵାରା ଅଗଣତାନ୍ତ୍ରିକ ଆଇନ ପ୍ରଣଯନ ହୋଇଚାଲିଛି । ନାଗରିକତା ସଂଶୋଧନ ଆଇନ ଜରିଆରେ ୧୯ କୋଟି ମୁସଲମାନଙ୍କୁ ୩ୟ ଶ୍ରେଣୀ ନାଗରିକ କରିବା ଷଡ଼ଯନ୍ତ୍ର ଆରମ୍ଭ ହୋଇଛି । ଏହାର ଗଣତାନ୍ତ୍ରିକ ପ୍ରତିବାଦକୁ ଶାସକ ଦଳ ଓ ଶାସକ ସହ୍ୟ କରିବାକୁ ପ୍ରସ୍ତୁତ ନୁହେଁ । ସେଥିପାଇଁ ୪ ମାସର ଗର୍ଭବତୀ ଛାତ୍ରନେତ୍ରୀ ସଫୁରା ଜରଗରଙ୍କ ସମ୍ରଟ ବହୁ ଜମିଆମିଳିଆ ଜେ ଏନ୍ ୟୁ ଛତ୍ର ନେତା-ନେତ୍ରୀଙ୍କୁ ଜେଲରେ ରଖାଯାଇଛି କେନ୍ଦ୍ରୀୟ ପୋଲିସ ଦ୍ଵାରା । ସେହିପରି, ମିଥ୍ୟା ମାମଲାରେ ଦଳିତ-ଆଦିବାସୀମାନଙ୍କ ଅଧିକାର ତଥା ମାନବିକ ଅଧିକାରର ସୁରକ୍ଷା ପାଇଁ ସଂଗ୍ରାମରତ ପ୍ରଫେସର, ଓକିଲ, ଲେଖକ, ସାମ୍ବାଦିକ ଓ ଗଣଆନ୍ଦୋଳନ କର୍ମକର୍ତ୍ତାଙ୍କୁ ଜେଲରେ ରଖାଯାଇଛି । ଭିନ୍ନ ମତ ଦେଉଥିବା, ସମ୍ପ୍ରଦାୟିକ ଘୃଣା ରାଜନୀତିକୁ ବିରୋଧ କରୁଥିବା ବ୍ୟକ୍ତି ଓ ସଙ୍ଗଠନମାନଙ୍କ କଣ୍ଠରୋଧ କରିବାକୁ ଏପରି ଦମନ ଚଳାଇଛି କେନ୍ଦ୍ର ସରକାର ।”

କରୋନାମହାମାରୀ ଆଳରେ ଯେଉଁ ଲକ୍ଦଉନ ଜାରି କରାଯାଇଛି ତାକୁ କେନ୍ଦ୍ର ସରକାର ଜରୁରୀ ପରିସ୍ଥିତି ପରି ଉପଯୋଗ କରୁଛନ୍ତି ବୋଲି ସେ ଅଭିଯୋଗ କରିଛନ୍ତି ।

“ସାଧାରଣ ଜନତାଙ୍କ ପାଇଁ ତାହା ବନ୍ଦୀ ଘୋଷଣା ହୋଇଥିବା ବେଳେ ବଡ଼ ବଡ଼ ଦେଶୀ-ବିଦେଶୀ କମ୍ପାନୀମାନଙ୍କ ହାତରେ ଆମ ଦେଶର ଜମି, ଜଙ୍ଗଲ ଓ ଖଣି ଲୁଟ ପାଇଁ ଦୁଆର ଖୋଲି ଦିଆଯାଇଛି । ଅଗଣତାନ୍ତ୍ରିକ ବାଟରେ ଅଧ୍ୟଦେଶ ଜାରି ହୋଇଛି ଆମ ରାଷ୍ଟ୍ରୀୟ ପ୍ରକଳ୍ପ ଓ ସମ୍ପଦ ହସ୍ତାନ୍ତର ପାଇଁ । ଶ୍ରମିକମାନଙ୍କ ଅଧିକାର ଛଡ଼ାଇନିଆଯାଇଛି । ପରିବେଶ ସୁରକ୍ଷା ଆଇନକୁ ଅକାମି କରିବାକୁ ଚିଠା ବିଲ୍ ପ୍ରସ୍ତୁତ କରାଯାଇଛି ।”

ଆଗାମୀ ଦିନରେ ରାଷ୍ଟ୍ରାବ୍ୟାପୀ ଗଣତନ୍ତ୍ର-ସମ୍ବିଧାନ ସୁରକ୍ଷା ଆନ୍ଦୋଳନ ଅପରିହାର୍ଯ୍ୟ  ବୋଲି  ସୁଚାଇ ଦେଇ , ଶ୍ରୀ ସମାନ୍ତରା ଲୋକଶକ୍ତି ଅଭିଯାନ ଓ ଜଣାନ୍ଦୋଳନାମାନଙ୍କ ରାଷ୍ଟ୍ରୀୟ ସମନ୍ଵୟ ତରଫରୁ ନିମ୍ନ ଦାବି ଉପସ୍ଥାପନ କରିଛନ୍ତି –

୧ – ସଫୁର ଜାରଗର ସମେତ ମିଥ୍ୟା ମାମଲାରେ ଜେଲରେ ଥିବା ସମସ୍ତ ଛାତ୍ରଛାତ୍ରୀ ଏବଂ ମାନବିକ ଅଧିକାର କର୍ମକର୍ତ୍ତାବୃନ୍ଦ, ଶ୍ରମିକନେତ୍ରୀ ତଥା ବରିଷ୍ଠ ଆଡଭୋକେଟ ସୁଧା ଭାରଦ୍ଵାଜ, ପ୍ରଫେସର ଆନନ୍ଦ ତୁଟୁଲମ୍ବରରେ, ପ୍ରଫେସର ସୋମ ସେନ, ପେୟାଫେସର ରୋନା ୱିଲସନ, ମାନବିକ ଅଧିକାର କର୍ମକର୍ତ୍ତା ଗୌତମ ନଭଲଖ, କବି ବରବରା ରାଓ, ଆଡଭୋକେଟସୁରେନ୍ଦ୍ର ଗଡ଼ଳିଙ୍ଗ, ଆଦିବାସୀ ସୁରକ୍ଷା କର୍ମକର୍ତ୍ତା ମହେଶ ରାଉତ, ଭେର୍ନନ ଗଂସ୍ଲେଭ, ଆଡଭୋକେଟ ଅରୁଣ ଫେରାଇରା ଓ ସାମ୍ବାଦିକ ସୁଧୀର ଧାଓଲେଙ୍କୁ କାରାଗାରରୁ ମୁକ୍ତ କରାଯାଉ ;

୨- ଭିନ୍ନ ମତବାଦୀ ଓ ସଙ୍ଖ୍ୟାଲଘୁଙ୍କ ଉପରେ ଦମନ ବନ୍ଦ ହେଉ;

୩- ମାନବିକ ଅଧିକାର ଓ ପ୍ରକୃତିର ସୁରକ୍ଷା ପାଇଁ ନ୍ୟାୟୋଚିତ ଆର୍ଥିକସମତାଭିତ୍ତିକ ବିକାଶ ନୀତି ପ୍ରଚାଳନ କରାଯାଉ ଓ ସାମ୍ବିଧାନିକ ତଥା ମାନବିକ ଅଧିକାରକୁ ସୁରକ୍ଷା ଦିଆଯାଉ ।

 

ସୁଭାଷ ଚନ୍ଦ୍ର ପଟ୍ଟନାୟକ

ଓଡ଼ିଆ ଭାଷାର ଏକନିଷ୍ଠ ଗବେଷକ ସୌଭାଗ୍ୟ ରାଉତ ଜୁନ ୨୧ ସନ୍ଧ୍ୟାରେ ଫେସ୍ ବୁକ୍ ଅନ୍ତର୍ଗତ “ଭାଷା ମା ପାଇଁ ପଦେ” ପୃଷ୍ଠାରୁ ସରକାରଙ୍କୁ ଆହ୍ଵାନ ଦେଇଛନ୍ତି କି, ଓଡ଼ିଶାର ପରିଚାଳନା ଓଡ଼ିଆରେ ହେବାକୁ ୧୯୫୪ର ପ୍ରଣୀତ ହୋଇଥିବା ଆଇନକୁ ଦୁର୍ବଳ କରିବା ପରିବର୍ତ୍ତେ ସବଳ କରିବାକୁ ସଂଶୋଧନ କରନ୍ତୁ ଓ କାର୍ଯ୍ୟକାରୀକରନ୍ତୁ ।

ସିଧା ପ୍ରସାରିତ ହୋଇଥିବା ତାଙ୍କ ଭାଷଣ ସମସ୍ତଙ୍କ ସମେତ ଓଡ଼ିଆ ଭାଷା ପଠନ ପାଇଁ ଯୋଗ୍ୟ ହୋଇପାରିନଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଇଁ ବିଶେଷ ପ୍ରଣିଧାନଯୋଗ୍ୟ ।