ଆଜି ସାମାଜିକ ଗଣମାଧ୍ୟମ -ଫେସବୁକ – ପୃଷ୍ଠାରେ ଏକ ସୁଖଦାୟକ ଖବର ନଜରକୁ ଆସିଲା ।
ମୋ ପାଇଁ ଅତ୍ୟନ୍ତ ଆନନ୍ଦର କଥା , ମୋର ଯେଉଁ ସାଥିମାନେ ଭ୍ରମିତ ହୋଇ ଭାବିଥିଲେ, ନବୀନ ପଟ୍ଟନାୟକ ଭାଷା ଆଇନରେ ଆଣିଥିବା ସଂଶୋଧନ ନିର୍ଭୁଲ, ଓ ସେହି ବିଶ୍ୱାସରେ ଆନ୍ଦୋଳନର ଆଉ କୌଣସି ଆବଶ୍ୟକତା ନାହିଁ ବୋଲି ଘୋଷଣା କରି କଳାପତାକା ଅଭିଯାନରୁ ଓହରି ଯାଇଥିଲେ, ସେମାନଙ୍କ ଭ୍ରମ ତୁଟିଛି । ସେମାନେ ଘୋଷଣା କରିଛନ୍ତି , ଓଡ଼ିଆ ନୂଆବର୍ଷଠାରୁ ପୁନଶ୍ଚ କଳାପତାକା ଅଭିଯାନ ଚଳାଇବେ ।
ସେମାନଙ୍କର ଏହି ଚୈତନ୍ୟୋଦୟକୁ ସର୍ବାନ୍ତଃକରଣରେ ମୁଁ ସ୍ଵାଗତ କରୁଛି ଓ ନିଜ ଭାଷା ଅଧିକାର ହାସଲ କରିବା ପାଇଁ ସମଗ୍ର ଓଡ଼ିଆ ଜାତି ଭାଷା ମାଆର ଜୈତ୍ରବାନା – କଳାପତାକା – ଉତ୍ତୋଳନ କରି ଏହି ଅଭିଯାନକୁ ସଫଳ କରିବାକୁ ମୁଁ ନିବେଦନ କରୁଛି ।
ସୁଭାଷ ଚନ୍ଦ୍ର ପଟ୍ଟନାୟକ
ପ୍ରତିଷ୍ଠାତା , ଭାଷା ଆନ୍ଦୋଳନ,ଓଡ଼ିଶା
