Posts tagged Odisha Official Language Act

ସୁଭାଷ ଚନ୍ଦ୍ର ପଟ୍ଟନାୟକ

ପ୍ରଥମେ ଏହି ଭିଡ଼ିଓ ଦେଖାଯାଉ :

NNS ODIA ଦ୍ଵାରା ୪.୯.୨୦୧୮ ତାରିଖରେ ଏହା ସିଧା ପ୍ରସାରିତ ହୋଇଥିଲା ।

ମୁଁ ଏଥିରେ ଆଗତ କରିଥିବା ଅଭିଯୋଗର ଜବାବ ମୁଖ୍ୟମନ୍ତ୍ରୀ ବା ତାଙ୍କ ତରଫରୁ କୌଣସି ଅଧିକୃତ ମନ୍ତ୍ରୀ ନ ଦେଇ ପ୍ରଦ୍ୟୁମ୍ନ ଶତପଥୀ ଏହି ଏକା ଚ୍ୟାନେଲରେ ତହିଁ ପରଦିନ ମୋତେ ମୋର ଏହି ଅଭିଯୋଗର ଜବାବ ଦେଇ ଯେଉଁ ଅଶ୍ଳୀଳ ବାଚନିକ ଆକ୍ରମଣ କରିଥିଲେ ତାହା ଦଣ୍ଡବିଧି ସଂହିତା ଆକର୍ଷଣ କରୁଥିବା ବେଳେ ଏହି ଚ୍ୟାନେଲ ତାହାକୁ ଅନ୍ତର୍ହିତ କରାଇ ପ୍ରଦ୍ୟୁମ୍ନ ଶତପଥୀଙ୍କୁ ଘଣ୍ଟ ଘୋଡାଇବାକୁ ଚେଷ୍ଟା କରିଛି ।

ଆଲୋଚନାକ୍ରମେ ମୁଁ ଏକଥା ଏଠାରେ ଉପସ୍ଥାପିତ କରି ଏହି ସାମାଜିକ ଗଣମାଧ୍ୟମରେ ସ୍ଥାନିତ କରିଥିଲି ।

ଚ୍ୟାନେଲଟିର ଦାୟିତ୍ଵାସୀନ ଶ୍ରୀରାମ ଦାସ ମୋତେ ଗତକାଲି ଫୋନ କରି କହିଲେ ଯେ, ତାହା ଅରୁଚିକର ହୋଇଥିବା ହେତୁ ମୋ ବୟାନ ସମେତ ପ୍ରଦ୍ୟୁମ୍ନଙ୍କ ଜବାବୀ ବୟାନକୁ ତାଙ୍କ ଚ୍ୟାନେଲ ଡିଲିଟ୍ କରିଦେଇଛି । ସେ ଭୁଲ କହିଛନ୍ତି । କାରଣ ମୋ ବୟାନ ବହନ କରିଥିବା ଏହି ଭିଡ଼ିଓ ଏଯାଏଁ ବି ଯଥାପୂର୍ବ ଅଛି । ଶ୍ରୀରାମ ବାବୁ ତାଙ୍କ ଅଭିସନ୍ଧି ସ୍ପଷ୍ଟ କରିବା ଉଚିତ । କାରଣ, ଅପରାଧକୁ ଘଣ୍ଟ ଘୋଡ଼େଇବା ମଧ୍ୟ ଏକ ଅପରାଧ ।

ମୁଁ ଅନୁରୋଧ କରୁଛି, ଶ୍ରୀରାମବାବୁ ପ୍ରଦ୍ୟୁମ୍ନ ଶତପଥିଙ୍କ ବୟାନକୁ ତୁରନ୍ତ ଘୋଡ଼ଣୀ ତଳୁ ପଦାକୁ ଆଣି ପ୍ରକାଶ କରନ୍ତୁ । ତଦ୍ଦ୍ଵାରା ସମସ୍ତେ ଜାଣିପାରିବେ ଯେ, ଏ ଭଦ୍ରଲୋକ ମୋ ଅଭିଯୋଗର କି ଜବାବ ଦେଇଥିଲେ ଓ କାହିଁକି ଏପରି ଡରିଗଲେ ଯେ, ଲୁଚାଇ ପକାଇଲେ ।

ଭାଷା ଆନ୍ଦୋଳନ ମୁଁ ସୃଷ୍ଟି କରିଥିଲି ଭାଷା ଆଇନର ଆବଶ୍ୟକୀୟ ସଂଶୋଧନ ପାଇଁ ସରକାରଙ୍କୁ ପ୍ରଦତ୍ତ ମୋ ପ୍ରସ୍ତାବର କାର୍ଯ୍ୟକାରୀତା ସକାଶେ । ଏ ଭଦ୍ରଲୋକ ମୋତେ ସାହାଯ୍ୟକରିବା ପ୍ରତିଶ୍ରୁତି ଦେଇ ମୋ ସହ ଜଡ଼ିତ ହୋଇଥିଲେ । ସବୁ ତ ଭଲରେ ଚାଲିଥିଲା । ମୁଁ ସରକାରଙ୍କ ସହ ବୌଦ୍ଧିକ ସଂଘର୍ଷ କରୁଥିଲି, ଆନ୍ଦୋଳନ ସପକ୍ଷରେ ସାହିତ୍ୟ ସୃଷ୍ଟି କରୁଥିଲି , ରଣକୌଶଳ ନିର୍ମାଣ କରୁଥିଲି ; ପ୍ରଦ୍ୟୁମ୍ନ ଲୋକବଳ ଦାୟିତ୍ଵରେ ଓ ପବିତ୍ର ଆମ କାର୍ଯ୍ୟକ୍ରମକୁ ଗଣମାଧ୍ୟମକୁ ପଠାଇବା ଦାୟିତ୍ବରେ ରହି ଏକାନ୍ତ ନିଷ୍ଠାର ସହ କର୍ତ୍ତବ୍ୟ ସମ୍ପାଦନ କରୁଥିଲେ । ମୁଁ କଣ କେବେ କଲ୍ପନା କରିପାରିଥିଲି ଯେ, ସମୟ ଆସିବ, ଏମାନେ ଅର୍ଥଲୋଭର ବଶବର୍ତ୍ତୀ ହୋଇ ଭାଷା ଆନ୍ଦୋଳନକୁ ଛୁରିମାରିବେ? ତା ସାଙ୍ଗକୁ ଅତ୍ୟନ୍ତ ଅଶ୍ଳୀଳ ଭାଷାରେ ମୋ ଉପରେ ଗାଳିବର୍ଷଣ ବି କରିବେ ?

ଏମାନଙ୍କ ଅସଲ ଚେହେରା ପଦାକୁ ନ ଆସିଲେ ଭାଷା ଆନ୍ଦୋଳନ ପରି ଏକ ସାମାଜିକ ଆନ୍ଦୋଳନ କେଉଁ କିସମର ଲୋକଙ୍କ ହାବୁଡ଼ରେ ପଡ଼ି କି ଦଶା ଭୋଗିପାରେ ତାହା ଜାଣିନପାରି ଭବିଷ୍ୟତର ଜନମଙ୍ଗଳକାମୀ ଆନ୍ଦୋଳନକାରୀମାନେ ଏହିପରି ସଙ୍କଟଗ୍ରସ୍ତ ହୋଇପାରନ୍ତି ।

 

ଗତ ତିନି ତାରିଖରେ ଦୁଇ ଜଣ ପ୍ରତିବଦ୍ଧ ଭାଷାପ୍ରେମୀଙ୍କ ହାତରେ କଳାପତାକା ଦେଇସାରି ସୁଭାଷ ଚନ୍ଦ୍ର ପଟ୍ଟନାୟକ ଦେଇଥିବା ବାର୍ତ୍ତା

ପାଞ୍ଚଶହ ପଂଚାବନ ଦିନରେ ଭାଷା ଆନ୍ଦୋଳନ

 

 

 

ଆଜିର କଳାପତାକା ଅଭିଯାତ୍ରୀ : ଦାଶରଥୀ ଗୁମାନସିଂହ, ବିଶ୍ବମୋହନ ମିଶ୍ର, ବିରଂଚି ନାରାୟଣ ଗଣ୍ଠିଆ, ପ୍ରମୋଦ କୁମାର ସାହୁ ∣

 

 

 

 

ଆଜି ବି ବର୍ଷାଭରା ସନ୍ଧ୍ୟା ∣ ଆଜି ବି ସବୁଦିନ ପରି କୁଳଗୌରବ ମଧୁସୂଦନଙ୍କ ପାଦ ତଳେ ଶପଥ ନବୀକରଣ ∣

ପାଞ୍ଚଶହ ପଚାଶ ଦିନରେ ଭାଷା ଆନ୍ଦୋଳନ

 

କଳାପତାକା ଧରିଛନ୍ତି : ଚିନ୍ମୟ କୁମାର ସାମନ୍ତରାୟ, ଶଶୀ ନାୟକ, ପ୍ରତାପ କୁମାର ସାହୁ, ସୁବାସ ଚନ୍ଦ୍ର ପଣ୍ଡା ∣

 

 

 

 

ମଧୁବାବୁଙ୍କ ପାଦ ତଳେ ଶପଥ ନବୀକରଣ ∣

ପାଞ୍ଚଶହ ତେୟାଳିଶ ଦିନରେ ଭାଷା ଆନ୍ଦୋଳନ

କଳାପତାକା ଧରିଛନ୍ତି : ନିରଞ୍ଜନ ସାହୁ, ନବ କିଶୋର ସୁବୁଦ୍ଧି, ଜୟପ୍ରକାଶ ମିଶ୍ର, ଲିଙ୍ଗରାଜ ସାହୁ ∣

ମଧୁବାବୁଙ୍କ ପାଦ ତଳେ ଶପଥ ନବୀକରଣ ∣