Tag: Bhubaneswar

Bhasha Andolan on Day 558

ପାଞ୍ଚଶହ ଅଠାବନ ଦିନରେ ଭାଷା ଆନ୍ଦୋଳନ

 

 

 

ଆଜିର କଳାପତାକା ଅଭିଯାତ୍ରୀ : କଳ୍ପତରୁ ଖୁଣ୍ଟିଆ, ଶୁଭଜିତ ମହାପାତ୍ର, ରାଜଦୀପ ପରିଜା, ଅଲେଖ ଚନ୍ଦ୍ର ଜେନା ∣

 

 

 

ମଧୁବାବୁଙ୍କ ପାଦ ତଳେ ଶପଥ ନବୀକରଣ ∣

Bhasha Andolan on Day 556

ପାଞ୍ଚଶହ ଛପନ ଦିନରେ ଭାଷା ଆନ୍ଦୋଳନ

 

 

ଆଜିର ନିଷ୍ଠୁର ବର୍ଷାକୁ ଖାତିର ନକରି ଭାଷା ଜନନୀ ପାଇଁ ନିଜ ତପସ୍ୟାରେ ଆଗେଇ ଚାଲିଥିବା କଳାପତାକା ଅଭିଯାତ୍ରୀ : ପୁଲକ ରଥ, ଡ. ଅସିତ ଦାସ, ନୀଳମଣି ମିଶ୍ର, ନିରଞ୍ଜନ ସାହୁ ∣

 

 

 

 

 

କଳାପତାକା ଅଭିଯାନ ସବୁଦିନ ଆରମ୍ଭ ହୁଏ ସନ୍ଧ୍ୟା 5ରେ ∣ ଏ ଅଭିଯାନ ପ୍ରାୟ 300 ଦିନ ଟପିବା ପରଠୁ, କେଜାଣି କାହିଁକି ମୁଖ୍ୟମନ୍ତ୍ରୀ ଠିକ、ସେହି ସମୟରେ ତାଙ୍କ ଘରଠୁ ସଚିବାଳୟ ଆସୁଛନ୍ତି ଓ ସେ ସଚିବାଳୟରେ ପ୍ରବେଶ ନ କରିବା ଯାଏଁ ଅଭିଯାତ୍ରୀମାନଙ୍କୁ ବାଟ ମଝିରେ ପୋଲିସ ଅଟକାଇ ରଖୁଛନ୍ତି ∣ ବିଜୁଳି ସଂତ୍ରାସ ଓ ଭୟଙ୍କର ବର୍ଷା ସତ୍ତ୍ବେ ଅଭିଯାତ୍ରୀମାନେ ନିର୍ଵିଚଳିତ ଚିତ୍ତରେ ଠିଆହୋଇରହନ୍ତି ସଡ଼କ ଉପରେ ∣ ସେମାନେ ଜାଣନ୍ତି ଯେ , ଆମେ ଯେଉଁ ଭାଷା ଆନ୍ଦୋଳନ ଚଳାଇଛୁ ତାହା ଆମ ଭାଷା ଜନନୀକୁ ବଞ୍ଚାଇ ରଖିବାକୁ ଆମର ତପସ୍ୟା ଓ ଓଡ଼ିଆ ଜାତିର ଶେଷ ଉଦ୍ୟମ, ଯାହାକୁ ଭଣ୍ଡୁର କରିବାପାଇଁ ମୁଖ୍ୟମନ୍ତ୍ରୀଙ୍କ ପାଖଲୋକ ବୈଷ୍ଣବ ପରିଡା ଓ ସରକାରୀ କରୁଣାପୁଷ୍ଟ ଦେବୀ ପ୍ରସନ୍ନ ପଟ୍ଟନାୟକ ପ୍ରମୁଖ ଚେଷ୍ଟା କରୁଛନ୍ତି ∣ ତେଣୁ ଆମ ସାଥୀମାନେ ସବୁ ଅହେତୁକ ଅତ୍ୟାଚାର ନୀରବରେ ସହିଯାଉଛନ୍ତି ∣ ବେଳେବେଳେ ଏହି ଅତ୍ୟାଚାରକୁ ଅଧିକ ଆଘାତକାରୀ କରିବାପାଇଁ ମୁଖ୍ୟମନ୍ତ୍ରୀ ସଚିବାଳୟ ଆସିବା ବିଳମ୍ବ କରୁଛନ୍ତି ଓ ପୋଲିସ ଆମକୁ ବହୁ ସମୟ ଧରି ଅଟକାଇ ରଖୁଛି ∣ ଆଜି ଥିଲା ଏହିପରି ଏକ ଭୀତିପ୍ରଦ ଦିନ ∣ ଆକାଶରେ ଘନ ଘନ ବିଜୁଳି ∣ ବଜ୍ରପାତ ∣ ତୁହାକୁ ତୁହା ମୂଷଳ ଧାରାରେ ବର୍ଷା ∣ ମୁଖ୍ୟମନ୍ତ୍ରୀ ଆସିବେ ବୋଲି ରାତିଯାଏଁ ସଡ଼କ ଉପରେ ଅଟକାଇ ରଖିଲା ପୋଲିସ ∣ ମଧୁବାବୁଙ୍କ ପାଖରେ ପହଞ୍ଚିଲା ବେଳକୁ ଅନ୍ଧାର ∣ ତଥାପି ଆମ ଭାଷା-ମୁକ୍ତି-ଯୋଦ୍ଧାମାନଙ୍କ ମୁହଁରେ ଥିଲା ହସ ∣ ଆମ ଭାଷା ଜନନୀଙ୍କୁ ଇଂରେଜୀ ଆଧିପତ୍ୟର ଅନ୍ଧାର କବଳରୁ ଉଦ୍ଧାର କରିବାକୁ ଯେଉଁମାନେ ଜୀବନକୁ ବାଜି ଲଗାଇଦେଉଛନ୍ତି ସେମାନଙ୍କୁ ଏ ଅନ୍ଧାର କେତେ ବା ଡ଼ରାଇବ ?

 

Bhasha Andolan in Sambad Debate: Gajanan Mishra Exposes Debi Prasanna Pattanayak

ଭାଷା ଆନ୍ଦୋଳନକୁ ନେଇ ସମ୍ଵାଦ-ବିତର୍କ : ଗଜାନନ ମିଶ୍ରଙ୍କ ଦ୍ଵାରା ଦେବୀ ପଟ୍ଟନାୟକଙ୍କ ମିଥ୍ୟା ବୟାନ ଅନାବୃତ
ସୁଭାଷ ଚନ୍ଦ୍ର ପଟ୍ଟନାୟକ

ଭାଷା ଆନ୍ଦୋଳନ ଉପରେ ଅନୁଷ୍ଠିତ ସମ୍ବାଦ ବିତର୍କରେ ଡ଼. ଦେବୀ ପ୍ରସନ୍ନ ପଟ୍ଟନାୟକଙ୍କ ମିଥ୍ୟା ବୟାନ କେବଳ ଯେ ଅସିତ ମହାନ୍ତି ଅନାବୃତ କରିଛନ୍ତି ତା ନୁହେଁ, ଯାହାଙ୍କ ଆମରଣ ଅନଶନ ହେତୁ ଭାଷା ପାଇଁ ମନ୍ତ୍ରୀସ୍ତରୀୟ କମିଟି ଗଠନ ହୋଇଥଲା ଓ ଦେବୀ ପ୍ରସନ୍ନ ତା ଭିତରକୁ ପ୍ରବେଶ କରିବାର ସୁଯୋଗ ପାଇଥିଲେ, ସେହି ଗଜାନନ ମିଶ୍ର ମଧ୍ୟ ସ୍ପଷ୍ଟ କରିଦେଇଛନ୍ତି ଯେ ଭାଷା ନାମରେ ରାଜକୋଷ ଲୁଟ କରୁଥିବା ଡ଼.ପଟ୍ଟନାୟକ ମିଛ ହିଁ କହିଛନ୍ତି ∣

Bhasha Andolan in Sambad-Debate: Asit Mohanty Exposes Debi Prasanna Pattanayak

ଭାଷା ଆନ୍ଦୋଳନକୁ ନେଇ ସମ୍ଵାଦ-ବିତର୍କ : ଦେବୀ ପଟ୍ଟନାୟକଙ୍କ ମିଥ୍ୟା ବୟାନ ଉପରେ ଅସିତ ମହାନ୍ତିଙ୍କ ଆଲୋକପାତ
ସୁଭାଷ ଚନ୍ଦ୍ର ପଟ୍ଟନାୟକ

ନିଜ ଶୁଭ ଜନ୍ମଦିନ ଅବସରରେ ଆଦର୍ଶନିଷ୍ଠ ଭାଷା ଆନ୍ଦୋଳନ ଉପରେ ଓଡ଼ିଶାର ବୁହତ୍ତମ ସମ୍ବାଦପତ୍ର ‘ସମ୍ବାଦ’ ଯେଉଁ ମହାନ ସମ୍ପାଦକୀୟ ରଖିଥିଲେ ତାହା ଭାଷା ପାଇଁ ପଦ୍ମଶ୍ରୀ ପାଇଥିବା ଡ଼. ଦେବୀ ପ୍ରସନ୍ନ ପଟ୍ଟନାୟକଙ୍କୁ ପ୍ରସନ୍ନ କରିବା ପରିବର୍ତ୍ତେ ବିଷର୍ଣ୍ଣ କରିଥିଲା ! “ଭାଷା ଆନ୍ଦୋଳନ ସମ୍ପର୍କରେ” ଶିରୋନାମାରେ ସେ ନିଜର ରୋଷ ବର୍ଷିଥିଲେ ‘ସମ୍ବାଦ’ର ସମ୍ପାଦକ ଶ୍ରୀଯୁକ୍ତ ସୌମ୍ୟ ରଞ୍ଜନ ପଟ୍ଟନାୟକଙ୍କ ଉପରେ ଓ ମୋ ଉପରେ ∣

ସୌମ୍ୟବାବୁ ଭାଷା ଆନ୍ଦୋଳନର “ପୃଷ୍ଠପୋଷକ” ସାଜିଛନ୍ତି ବୋଲି ସେ ଅଭିଯୋଗ କରିଥିଲେ ଓ ଏପରି ଅଭିଯୋଗର କାରଣ ବଖାଣିବାକୁ ଯାଇ କହିଥିଲେ ଯେ, ସେ ନିଜର ବାର୍ଷିକ ବିଶେଷଙ୍କର ସମ୍ପାଦକୀୟଟିକୁ ଭାଷା ଆନ୍ଦୋଳନର “କଳାପତାକା ଅଭିଯାନ ବିଷୟରେ ଉତ୍ସର୍ଗ କରିଛନ୍ତି”, କେବଳ ନୁହେଁ, “ପ୍ରତ୍ୟେକ ଦିନ ଚାରିଜଣ ଅଭିଯାନକାରୀଙ୍କ ଫଟୋ ଓ ନାଁ ଛପାଉଛନ୍ତି” ଏବଂ “29 ସେପ୍ଟେମ୍ବରରେ ଛଅ ସ୍ତମ୍ଭ ଶୀର୍ଷକ ଦେଇ ଏକମାତ୍ର ସମ୍ବାଦ ‘ନିର୍ବାଚନରେ ଭାଷା ମୁଖ୍ୟ ପ୍ରସଙ୍ଗ ହେଲେ ସଂଗ୍ରାମ ସଫଳ ହେବ’ ଶୀର୍ଷକ ଦେଇ କଳାପତାକାଗୋଷ୍ଠୀଙ୍କର ମୁଖପତ୍ରର ଶୁଭ ଉନ୍ମୋଚନ ଫଟୋ ସହ ପ୍ରକାଶ କରିଥିଲେ ∣”

ମୋ ସମ୍ପର୍କରେ ସେ କହିଥିଲେ ଯେ, ତାଙ୍କ ସୁପାରିଶ ହେତୁ ମୁଁ ମନ୍ତ୍ରୀସ୍ତରୀୟ କମିଟିରେ ସ୍ଥାନ ପାଇଥିଲି ଓ ଭାଷା ଆଇନ ଉଲ୍ଲଙ୍ଘନ ବିରୁଦ୍ଧରେ ଦଣ୍ଡ ବିଧାନ ପାଇଁ ଭାଷା ଆନ୍ଦୋଳନ ଯେଉଁ ଦାବି କରୁଛି ତାହା ମୌଳିକତଃ ତାଙ୍କ ପ୍ରଦତ୍ତ ପ୍ରସ୍ତାବ ∣

ଗତ 14 ତାରିଖରେ ନିଜ ସମ୍ପାଦକୀୟ ସହ ଦେବୀ ବାବୁଙ୍କ ଲେଖାଟିକୁ ପାଠକସମୁଦାୟ ସମ୍ମୁଖରେ ରଖି ସମ୍ବାଦ ସମ୍ପାଦକ ଏକ ଉତ୍କୃଷ୍ଟ ସମ୍ପାଦକୀୟ କୃଷ୍ଟିର ପରିଚୟ ଦେଇଥିଲେ ∣ ସୁଖର କଥା ଏହା ଏକ ବିତର୍କର ରୂପ ନେଇଛି ∣ ଓଡ଼ିଆ ସାହିତ୍ୟର ସୁଖ୍ୟାତ ଲେଖକ, ସ୍ତମ୍ଭକାର, ‘ସାହିତ୍ୟ ମହାଭାରତ’ର ଶ୍ରୀସଞ୍ଜୟ, ସଂସ୍କୃତି-ଗବେଷକ ଅସିତ ମହାନ୍ତି ଦେବୀ ବାବୁଙ୍କ ମିଥ୍ୟା ବୟାନ ଓ ଅଭିସନ୍ଧି ଉପରେ ସମ୍ୟକ ଆଲୋକପାତ କରିଥିବା ବେଳେ ଶାସ୍ତ୍ରୀୟମାନ୍ୟତା ବ୍ୟାପାରରେ ସେ କରିଥିବା ଆଚରଣ କିପରି ଥିଲା ରାଜ୍ୟ ସରକାରଙ୍କ ବିରୁଦ୍ଧରେ ଏକ ରାଜନୈତିକ ଷଡଯନ୍ତ୍ର ତାହା ସ୍ପଷ୍ଟ କରିଛନ୍ତି ସମ୍ଵାଦ-ବିତର୍କରେ ଅକ୍ଟୋବର 19ରେ ∣ ଏହି ପ୍ରତିବେଦନର ଐତିହାସିକ ଗୁରୁତ୍ବ ଦୃଷ୍ଟିରୁ ଏଠାରେ ଏହା ସ୍ଥାନିତ ହେଉଛି ∣

ଏଥିସହ ସମ୍ବାଦର ଅକ୍ଟୋବର ଚଉଦ ତାରିଖର ଉପସ୍ଥାପନା ଅନୁଧ୍ୟେୟ ∣